人地cool牙要mok牙通常係mok比較前既牙, 但臭B有隻大牙一早已經無左半隻, 所以牙醫建議我不如mok佢~ 咁當然好啦, 難得其他牙健健康康, 好地地唔想mok左佢, 二來呢隻大牙只係等死, mok佢係除後患, 仲有三來.....佢後面有智慧牙出緊 但又好彩牙醫話從x-ray片睇到隻智慧牙都幾靚仔、企得好直, 所以.....一於mok鬼左隻爛大牙算數!!

 

mok牙必做的打麻醉針一定走唔甩啦 兩支.......痛到想打個牙醫

之後開始呢項艱巨既工程啦.......

牙醫話大牙比其他牙仔實淨, 而且我呢隻得番半隻, 有可能夾佢途中會夾爆, 到時視情況而定洗唔洗做小手術mok佢, 而家試左就咁mok先~

 

扯呀扯呀.....牙醫扯左我隻牙足足15分鐘 終於扯得甩啦 即時feel到個口好腥, 應該係啲血巴巴聲咁流吧 咬住舊棉花果刻已經開始feel到痛 牙醫話, 其中一隻牙腳比較長, 傷口幾深, 另外mok牙仔時, 麻醉藥一般落在牙肉, 麻醉感覺有幾小時, 但mok大牙, 麻醉藥會落在低啲牙腳位, 麻醉感覺會快啲散的~ 唉....總之臭B呢刻好想死

 

如果開刀mok呢隻衰牙, 要$1500以上, 而家擺低400蚊走得, 算係一種安慰啦

 

可憐的臭B然後上班去(而家就係在office), 一返到公司換棉花, 成舊棉花都紅卜卜....仲好有份量 拿拿林咬舊新既, 差不多一粒鐘, 又換, 情況一樣 到底仲要幾耐先止血 種感覺好鬼辛苦呀!!!!!!

 

好痛好痛......臭B其實係幾忍到痛既, 基本上唔會食咩鬼止痛藥, 但真係頂唔順, 不過食完都係咁痛既!!!!!

 

牙醫仲話飲食要小心, 唔好大動作, 唔好吐口水, 有血都要吞 今晚仲唔好刷牙! 唔可以刷牙....即係叫我乜都唔好食啫 因為臭B係已經cool緊牙, 啲粒粒連肉鬆都會zip住勾住, 唔刷唔得架嘛 算, 而家咩胃口都無哂, 今日齋飲野算啦

 

嗚...............好痛呀好痛呀~~~~~~~~~~~~~~~