好多所謂的傳統習俗...四大長老都會從簡, 尤其臭B媽媽, 佢叫我凡事問下未來奶奶意見, 佢自己就咩都無所謂 不過佢有一樣野又"企得好硬"要買喎~ 就係女婿禮物~ 原先臭B提意一封利是搞掂, 但媽媽話要買實物, 當係送下禮物比臭豬~ 而且後來上網睇過, 女婿禮物係要買實物好啲~ 所以臭B就乖乖順阿媽意嘞

但媽媽話唔知臭豬鍾意咩款、咩色, 臭B知道.....臭豬好乞人憎的, 佢崇尚牌子 但我又唔想媽媽為左佢既禮物洗一舊錢喎! 於是臭B叫媽媽比封利是仔我, 我搞掂佢

其實諗過上淘寶求其執~ 但如果"得物無所用"就即是浪費, 就算只係幾十蚊都係浪費!! 所以都係買番好少少架啦  

尋日同姊妹Kathy行街街, 周圍逛、周圍睇, 臭B一係唔行街, 一行就會想洗錢 好彩多得Kathy係度stop我, 係樣樣都stop我, 所以臭B個銀包幸保不失 只係完成任務順利買左"女婿皮帶" 條皮帶正呀~ 係我同Kathy最愛的豹紋 (其實我地係買比未來老公架, 但好似最緊要自己鍾意咁 佢地唔用的話, 起碼我地可以用)