睇樓....睇睇睇.....睇左差不多兩個月~ 同未來6299既方案又變變變 終於.......我地有愛巢啦 (以後愛巢會叫臭臭屋 請原諒我們的肉麻) 早前已經順利過埋大訂了 不過, 仍有不少問題架：

1. 我地買果個單位其實無睇過, 只係睇相同既單位~ 因為業主於年頭放租, 租左比一個單身人士住, 租客有權唔比睇樓 (但問題應該不大, 一來業主話左租出前已經執靚間屋, 而且只係租出一年, 唔會殘~ 另外我地在買賣合約寫明要包哂原裝所有野, 同埋有漏水情況的話, 由佢負責)

2. 個租客既租約至到2014年1月, 所以我地要1月尾2月頭先可以收到樓 臭B臭豬3月9日成親啦 收樓後一切都好趕好趕.....不過無辦法啦~ 希望個租客快啲走, 咁業主就早啲交吉比我地啦 

3. 1月31日過年啦, 到時裝修、傢俬送貨等等都未必做到~ 又係趕趕趕.....

我地同地產約左去一個相同單位, 借比我地度尺, 咁方便我地年尾可以預早訂傢俬等等