嗯嗯....睇呢篇日記前提一提你...
今次呢篇日記好鬼長...如果你覺得長到你唔想睇既話就唔好睇na"

仲有下集tim=_=..

「嗯!你地睇住黎,我今年走,下年一定會再返黎!!」
係我要離開永援中學,最後以永援中學既學生身份離開永援,再轉頭望佢最後一眼既時候

我記得..我曾經講過呢一句...

到我去左同善堂中學,我先知我講既呢一句係永遠都冇可能做到..

係我第一次以學生身份入同善堂既時候,我好驚會冇人理我,我好驚d人用佢地既眼神望住我
到我入到初一甲班,所有人用佢地既眼望住我既時候..我好想走
但係冇辦法,因為我『別無它選』
到我開始第一次係到上堂,見到既老師都係由細睇到我大既人
感覺好特別,唔知用咩去形容先好...
數學係我最差既科目
而又因為咁,每當考試個陣我老豆就會叫我返學校,老師單對單同我補

這是所謂的特權嗎?

我唔希旱,亦都唔想,因為,我唔中意比人講我有呢一種特權
但係同時,我亦有意無意咁一直用緊呢一種特權
我明白我唔可以用,而我亦唔想用.
但係,我又用緊

好矛盾

到有一次個地理老師講左我既身份比全班聽
我知佢冇心,但係我係個時開始到而加我都好憎佢
唔洗講
老師講既野一下子全校都知道哂,都唔洗一日

我是同善堂中學中學部黎國民主任的女兒

結果係初一既個一刻,每個人睇我既目光唔同左

不再一樣

有d人會見我係到就會係我面前講我老豆點樣點樣,叫我『得閒』同我老豆講下
有d人會對我好,希望可以打好關係,只要同我打好關係,佢地諗升班唔難
結果我成績既好壞對佢地黎講好重要,只要我差d,佢地比我好少少就一定升到班
唔洗讀書都冇所謂,反正我老豆係到.實升到既
每年既交流團,諗都唔洗諗,一定有黎sir個女份

只是身世和他們不太一樣
 亦因此而成為了我心中深處的一個借口

從呢一刻,我冇再認真咁去讀書,但係我又唔想比人講
亦因此咁而開始懶,懶到懶冇可懶,冇得再懶
因為我係 『黎國民』主任個女
我知我必須努力,唔可以衰
但係我做唔到
已經定左形既性格冇得再去改變
我上堂唔可以長期集中,一定要有幾堂畫下公仔
亦唔可以長期集中去溫書,因為總會諗住打機
反正好似佢地講,我有特權可用
我唔想令佢地咁諗
但同時我又令佢地咁諗
又一次既矛盾

在這一刻,我明白老師的『關心』

直到高一而加為至,無數老師黎同我講要我努力,因為我係黎國民個女
咁如果我唔係呢?
我相信佢地采我都傻
仲會咁多時間陪你溫書,同你囉嗦咩?

下次再打過=_= 待續... (這是小說嗎=_=?)

只希望今天的一切都不是做夢