由於尋日唔得閒既關係,所以冇打到日記....今日補上...

好...係3月17日

都係一樣咁平凡,呆下呆下又過左幾堂,

測地理...望住個張卷,識既做...唔識就係咁吹...應該合格呱...

傻下傻下到左下午放學之後既補底班,何生講既野,我可以話一句都聽唔明

叫佢用普通話教佢又唔制,唔聽佢又罵,都唔知佢想點(= =)

返到屋企,玩空之軌迹....由於係咁不停重玩,所以大約既劇情已經記得...

不過為左有個電腦版完美檔,而且為左我可愛冒艾絲蒂爾同令仔到我就黎暈既約修亞

好,你地堆死仔,等我打呱你地!!!!!

正當我玩得興起之際,補習哥哥黎到(= =)嗚....

又要對住個d數學...sin...cos...tan....佢地個三個野玩到我團團轉....

不過同哥哥有講有笑,好快又過左兩個鐘...

之後食飯....繼續打機....又過一日...

今日...3月18日...

今朝第一二堂上體育堂,好開心梁sir話測籃球,要練下...

呵呵.好輕鬆咁係咁打住個球,我都唔明點解d女仔唔中意打籃球 (除左我..)

之後上英文堂,係到做個d Noun Clause..

中文堂點書...最唔中意既文言文....唉....

之後數學堂,都係佢有佢講,我地有我地吹水...

中午食完飯收到個電話,原來係阿志...

佢話想見下我,好耐冇見我,於是我就拿拿林走左落西灣湖,

去到原來唔至阿志,阿俊都係到,仲有一個我唔識既男仔...

經過佢地解釋,哦...原來係佢地新既大佬...叫阿平

阿平一開聲就叫我大嫂...唉(= =)拜託你地唔好咁叫我,我好唔習慣...

原來阿平之前係同阿言一band,但係阿平乘日有野做,所以去親praty都唔去,唔怪得佢咁生面口

同佢地講講下,又講返阿言....阿言咁就離開左我一年...

之後講講下,見到時間差唔多,佢地送我返學,係前幾街口於落我,仲叫我得閒搵佢地...

嗯...我一定會

之後下就係咁畫畫(= =)盡管何生講咩...

之後就返黎打日記...就係咁,又過一日啦...