本黎，身為一個後生仔，倒數呢D大日子應該都會出街玩下。
雖然以前就話屋企管得嚴，想出去都冇得出。
而家大個左，今年竟然失去左動力出去。
見左FB好多朋友仔都有出去玩，我就深思左一陣。

我問：「點解我地連出去倒數既動力都冇既？我杜又冇試過一齊倒數。」
你說：「倒數有咩好玩姐。」
「你覺唔覺得我地之間好似少左D野。」
「咩呀？」
「少左D新意。」
我繼續講：「我地宜家好似做既好多野都好平常，冇咩特別，甚至有時做左咩都唔記得。」
「咁你想點。」
「做一D難忘既野，例如去行山、做義工、南生圍、龍尾灘、打機、做生意......」

1月2號 你生日了。
今年應該係同你渡過第三個生日。
早上，同你食左一個好正既早餐，就去睇《十二生肖》
其實除左愛情片，我都好鐘意睇動作片。
呢套戲動作不錯而且內容都有感動位。

下午，我地就去搵左D有「新意」既活動。
我地一齊去左濕地公園。
可能好多人都會話：「濕地公園有咩好玩呀，餵蚊就有你份。」
其實，我地果日真係好開心，雖然真係有餵蚊。
但係都值得！
係果道見到好靚既景色，留下雙雙足印就夠。
我地當左自己係一個小朋友，不斷玩入面既野，又係咁影相。
真係好難忘。

1月3日  我同濠，仲有呀晴一齊返去整曲奇。
整緊既過程真係好開心，我地有講有笑。
我地之間既感情真係昇華左唔少。
我諗，我地會係一世既好朋友，甚至係知己！
晚上我本身諗住偷偷地去學整一個生日蛋糕俾嘉濠。
但係已經遲過佢生日。
事關我報名果陣佢有話過31,1號唔開班。
迫住要3號先整。
整得都唔錯。 :)

1月4日
今日係一個好特別既日子，唔單只係拍拖紀念日，仲係201314。
所以，有時有d野好似整定咁。
個蛋糕都好合時，就係今日食。
上到濠家，佢爸爸都係道。
見到我整左個生日蛋糕，就笑說：「自己整嫁，整得好靚喎。」
嘉濠好快就切左倨蛋糕，佢爸取笑佢說：「唔洗許願吹蠟燭咩。」
講起蠟燭，我真係想買，但係一時之間竟然搵唔到！
都好開心呀。

1月5日
返中學分享考dse心得。
咩都冇準備，以為好hea，點知係好chur就真。
有4個人，每個15分鐘。
我係第二個出去。其他3個仲做埋ppt,,,   -___-
我真係嚇一跳，於是用僅有既一張電話單，僅有既位寫point..
突然諗起 政政 一個科教人點講speech先會令人專心聽。
我就試下用，點知都有d效   XD
好開心，有好多人問我問題。 :P

1月6日
中學班聚。
本身都唔係太想去，因為最近成日都出街。
屋企人點都會有少少微言。
不過有濠仔陪我去就唔同。
我地係TM碼頭落車，沿住海邊行。
真係好舒服。
BBQ完一齊玩IPHONE5 果個多人合照既功能。
笑死我。成30個人一齊影班男仔都仲要係不斷加自己個樣。
即係一張相有好多個  EDWIN =  =
佢地暴走果下先好笑XD
miss so都有問我地兩個唔同學校宜家點。
其實真係有咩，都keep得好好。
好似冇咩變到，唯一唔同，就係有得咁依賴，獨立左少少......

新的一年，開心地開始。