繼爛gag之後，再一次奉上Wazzup Online Radio連結，得閒的朋友可以聽一聽

http://www.wazzup.com.hk/radio.php?showid=2268&player=1

多謝收聽，唔駛咁驚！

話說最近小弟積極裝備自己，增值自己，報讀了一個普通話班課程。以小弟開朗灑脫好動不羈善變靈活跳脫閃身豐滿愛笑含羞大方得體堅毅的性格，上課時絕對會同身旁的同學聊天。爛gag亦在此時發生……

在課堂中，其中一位同學讀到有關熊貓的文章。

同學甲︰熊貓食Bamboo(中文解釋︰竹，英文發音︰病Bu)

同學乙︰咩病bu？(她不懂此英文字的解釋)

我︰(插咀) Bamboo咪竹咁解囉。

隔了片刻……

我︰不過你知唔知東亞地區啲竹唔同啲架喎？

同學甲、乙︰(異常好奇)係咩？

我︰係呀，嗰啲叫「東亞Bamboo」。

同學甲、乙大笑，老師奇怪的一望。

佢食梗嗰啲唔知係邊度0既Bamboo？

身為失業流浪漢的我，除了每天執紙皮、汔水罐之外，其實都不停有嘗試不同的新搞作。最近就加入了一個年青人的網上電台，成為一位吹水唔抺咀，講錯嘢多過講 嘢0既DJ仔。節目內容都是老本行，大談一週娛樂熱話。第一炮當然要講有關鹹豬手呢宗連我都無可能唔知0既新聞啦。究竟呢隻鹹豬手有幾鹹？隻鹹豬手又有幾 豬？隻鹹豬手又究竟係有幾多隻手指？記得星期五晚上十點鐘，登入www.wazzup.com.hk收聽Wazzup Ed News呢個節目啦！

節目拍擋，無線娛樂新聞台0既Edmond，以前大家就亦敵亦友，家陣就故劍重逢，大家劍對劍，槍對槍，男人之樂事也！

節目中談論有關的Chuk樣，唔知Chok得夠唔夠？

今年新春第一天，一早起床拜過年就要上班了。

新春第一炮，國泰花車巡遊梳士巴利道站小主持一名。

由於小弟並不是酷愛影相之人，一般都不會隨身帶備照相機，所以以下的所有照片，都是從他人的facebook非法下載，絕對沒有事前徵詢他們的同意。在此向他們表示最高致敬。

活動中的唯一照片，在後台跟彌敦道主持吳彤合影。並二人企圖扮twins，擺出時下潮童必備的"chok" 樣。

送上綵排時的另一張唯一的照片。此奇怪女子應該為以上某些照片的主人，謝謝。

日本肚臍祭，遊人可以隨便"禁"他們肚臍粒機關掣。

他們就是毛妹芭蕾舞團，毛多與否，就尚未經證實。

來自澳洲的啦啦隊表演。

泰國"係咪尿急"(sa wa di cup)花車，最有幸得到他們送贈的泰國咖喱蟹頸巾一條。

米芝蓮人(又大又脹卜卜，暫且稍為大卜蓮)。米芝蓮、米芝蓮、企到好高賀牛年。

西班牙高妹。佢地夠六呎高，佢卻會待你好，佢地要大便唔知點樣做。(請高聲歌唱)

I can fly..............

金融海嘯，人人自危。不過，有危先有機，小弟放棄有線的「膠薪厚積」，在大海中浮游，慶幸間中亦能找到一兩份主持工作，能苟存於世上。

我，誓要做一名爛gag主持人。

上圖為最近的一份兼職，無意中跟華仔拍了一張合照，多謝蘋果的攝影記者。主要不是能夠跟華仔合照，是能拍得我肚臍對下，大脾以上的地方如此閃爍。它能發光，多麼的神聖啊！！！

當日在台上，希望能帶給各位歡樂。

台上一句︰舒淇一出口，工作人員要幫手。引來零碎的笑聲，亦已經很安慰。

再節錄其後到餐廳吃下午茶的爛gag。

友人問︰請問任選兩款，包括啲咩？

侍應︰腸仔、煎蛋、魚蛋，不過雞翼就賣晒啦。

小弟︰(立刻衝口而出)雞翼「袖」賣晒？得翻啲長袖呀？

全體人員︰.........................................

謝謝！！！