KeithMok個blog is very Mok
本人為中文大學社工系畢業生,由此可見,本人對任何社會服務以及心理輔導都是萬分熱衷。雖然我加入了娛樂工作,但我並沒有離棄社會服務界,我,依然希望能夠通過娛樂甚至乎笑話感動世人,造福人群!我會秉承呢個理念 - 「笑看人生 盡量更新」
KeithMok
暱稱: Keith Mok
性別: 男
國家: 香港
最新文章
微博 and Facebook Fa...
Q版球星大晒冷
借褲Keith
志雲Keith
萬人空巷???
文章分類
全部 (43)
訪客留言
guest test p... (GuestDaRve)
guest test p... (GuestDaRve)
прости... (Thomasknich)
guest test p... (GuestDaRve)
[url=http://... (AkiporteTeK)
每月文章
日誌訂閱
尚未訂閱任何日誌
網站連結
尚無任何連結
最近訪客
最近沒有訪客
日誌統計
文章總數: 43
留言總數: 17108
今日人氣: 3
累積人氣: 76137
站內搜尋
2008 年 11 月 8 日  星期六   晴天


我在Cable的最後一天 愉快 分類: 未分類

11月6日,天晴

還記得四年零三個月前,日子為2004年8月16日。小弟孤身隻影,心情戰戰競競踏入有線電視大樓。什麼是娛樂主播?什 麼是娛樂新聞台?哪裡是有線電視大廈?一個字 - 「完全唔識」。誰不知時光飛逝,四年後的今天,我知道了所有答案 (原來係咁架),而同時,我亦孤身隻影,懷著興奮且輕鬆再加點卿卿我我的心情踏出有線電視大樓。不再回頭。

本人謹在此多謝四年來各位的照顧,照得我很安全;多謝各位的調教,調得我很愉快。祝我前程不會似咁,係似錦,錦繡前程。

輕輕的我走了,正如我輕輕的來,我輕輕的招手,作別西天的雲彩。各位在西天的西人,再見啦!!!

黯然的一刻 - 呢一張相要鳴謝陳貝兒鬼0既斧神工,才能帶出如斯的氣勢。


內裡查實興奮莫明。右腳那一踢為之不經意、無拘無束的跳脫,絕無褻瀆神明(日月神教)的意思。

最後一天,所以都用相機拍下工作的點滴,短短紀錄主播工作的過程,可以話係艱辛得嚟又舒服。


髮型師姐姐個髮型係點,你就睇唔到。之但係每次都係靠佢地將我猶如屎塔蓋0既頭髮捽吓又搓吓咁(如上圖嗰雙玉手),搓到成個花輪咁架。對於佢哋搞0既每一個髮型,小弟一向都係只能默默接受。

VO房。顧名思義,係一間錄VO (Voice Over) 0既房,同VO5 或者 VSOP係無關。每次就係喺呢度用我如張偉文般唱好女人0既靚聲去演繹每一個女人.........字。

經過辛勞0既幾個步驟,當然要攤抖一吓,同啲同事閒聊一吓,從中領悟做人0既道理、公司0既是非同寫稿0既靈感。

基本完成。呢個時候就同大家講句歡迎收睇有線娛樂新聞報道。

以下由小弟示範一吓縮骨功之不能太縮骨。

一連四張猶如小雞雞從Locker孵出0既感覺0既精美連環圖。帶出了一種空虛、落寞、重生、生機的意景。

多謝全體工作人員為我舉辦的歡送會。我會安心上路、一路好走。你們都要繼續努力、誓死效忠、死而後已,為CEN工作無限個5周年。

最後剩下我獨坐一角。

獨站在夜深街角   
慣性地感染冷漠
無人能明白我想帶著淚(女)而狂歌(歡)

再見。



2008 年 10 月 14 日  星期二   晴天


昂坪360 的 戇直369 分類: 未分類

 晨早起床,清新開朗。

話說呢日一早起身,三個戇直青年(由於佢哋好鐘意69呢個數字,以下簡稱佢哋為369)相約一同去大與山觀光,參拜大佛,去昂坪市集購物,再去坐嗰架郁到係咁疾,同埋壞咗好多日------0既昂坪360。心情是多麼的興奮。

有相為証,真係好早架!大佛開放時間為早上十時正,睇到嘛?369身後0既大閘門仲係好似左邊嗰位69個咀唇咁,係好緊閉架。俾大家估吓一個好out0既IQ題啦,369身後0既大佛就係坐係度啦,咁有邊個佛係曉跳舞架呢?

呢個動作,概念係嚟自一眾自由行同胞,唔知點解,佢哋係特別鐘意隔空攬住啲嘢咁擺pose影相。嚴格嚟講,呢張係一張合照。

 

昂坪市集真係好多嘢睇呀!!!睇下隻靈猴,幾靈,幾猴。後面呢,就有幾十隻靈猴,而前面,都企咗兩隻 "x" 頭架。正所謂,如斯美景,問你點頂?

369終於入閘啦!終於可以塔上360啦!!

睇吓佢兩個心情幾興奮。睇埋呢張相,相信大家應該明白佢哋點解佢哋叫戇直369啦掛。



2008 年 10 月 9 日  星期四   晴天


朝早兇鈴 分類: 未分類

每日返工放工,難得有得抖吓,可以瞓多一陣,你話幾好。正所謂,「每日返工,為份人工,放假有得鬆一鬆,梗係瞓多幾個鐘。」誰不知,嗰d宣傳易唔易就晨咁早打嚟問我係咪機主。以下節錄部份全部0既對戰內容。

 

淦︰喂.......-_-zzz

x小姐︰請問係咪 9xxxxxxx 0既機主,你好,我地係"乳房"癌病組織打黎架……

淦︰吓?我無乳房架喎。(其實男人都有0既應該)

x小姐︰係"預防"癌病組織…

淦︰…………請問乜事呢咁?(平時我已經收左佢線,但係當日竟然無咁做)

x小姐︰我地有個全身檢0既優惠計劃……

淦︰哦,唔駛啦。

姐︰點解呀?好好0架喎

淦︰之但係,我今年檢查過啦。

x小姐︰唔係喎,我地呢個好全面架,係專為癌病預防而設。你有冇檢查過有關癌病情況?

淦︰有呀,證實左有末期啦。(聲線猶如一條死屍)

x小姐︰…………

淦︰仲有冇0野幫到你?

x小姐︰err..................無啦唔該。

 

相關資料︰

(本報報道) 乳癌殺手,不止「襲擊」女士,連男性都逃不過它的魔掌。踏入二十世紀,本港男性患乳癌個案倍增,平均每年有十多名男士「中招」。有醫生警告,男性胸部的腫瘤大都屬於惡性,但他們缺乏危機意識,大部分患者求診時病情已達較末期階段,需要動手術切除部分乳房組織。