其實講真一句啊,
陳佩華唔係好惡姐,
暫時我都總覺得佢幾好人,
聽日就中四新開始,
雖然都覺得係時候應該要比心機讀書調整自己既心態,
但心有餘力不吹足啊!!!!
唉,開左學幾日啊,
書都未教,
就比人禁小說,禁小機,
msn都可能比人禁,
痴線架咩,
一條線拉得太長都會斷啦,
我就好似條線咁,
咁多壓力壓落我到,
神都死啦,可況我呢隻牛,總要假扮既,
唉,而家愈黎愈唔想番屋企,
愈黎愈希望得到自由,
10月頭就中秋節,
上年到左12點就比人打電話叫番屋企,
今年我真係好想好想同班fd玩到一齊走為止,
我會嘗試,不過可能又會比人鬧,
玩咁夜做咩啊,做飛仔啊,
得啦,你大啦,有毛有翼識飛啦,
唉,都預左比鬧,但係點姐,
當我地中學畢左業後,總有機會約埋成大班fd,
係到一齊玩,一齊笑,一齊過節咩?
如果我唔爭取,咁係我腦海入面總會有幾多同朋友一齊既回憶?
我唔係話想唔聽你地話,
但係剩番3年中學,
我真係好想呢3年都同d朋友係節日到玩得盡興d!!!
其實對我黎講讀書成績同將來都幾重要,
但係係我心中最重要既係我一班既朋友!!!!
我愈黎愈覺得自己有d荒廢學業,
但係我正在努力希望變番以前咁比心機讀書,
雖然朋友係最重要,
但係將來,
我一定唔會放棄!!!!!!!!!!!












總有8日,大家估下會發生咩事!!!!!(唉,總有8日,午餐要捱麵包啦!!!)

唉,
暑假話咁快就完,
直到今日,
我都總有6樣功課未做,
總要成日比我屋企人煩,
總話禁我睇小說打機,
又話可能唔比我參加咁多活動,
又話成績再差落去羽毛球都唔比,
真係唔明點解要咁對我,
我打左羽毛球6年,
就係因為中四唔通要放棄?
我先唔會理你!!!
我既人生由我話事!!
今日我唔讀書,
我唔會怨,
但係我肯定,
中四我唔會再比你地睇死,
我一地會比心機讀書,
再者,
我咁既死樣,
唔好再講咩感情問題,
只從放棄左之後,
暫時都冇對任何人有feel,
希望我可以專心一致讀書,
感情呢d野唔係我呢d柒頭可以擁有,
我亦冇勇氣去爭取,
只係希望一樣野,
友情永固!!!!
下年同好多勁fd既人唔同班,
雖然而家冇咩問題,
但係2個月後,半年,一年後呢!!!
我地之間既友誼可能會因為少時間相處而比時間沖淡,
我唔希望咁樣!!!!!!!
其實我發覺,
其實以前我地一齊玩果陣,
我地係好開心,
而家,
我覺得我比人孤立了,
而家就算我地一齊玩,
你地都好少理我,
我自己一個成日企埋一二邊,
以前有野都一定會同我講,
而家有時有野都唔同我講,
其實我知道,
當我地中六之後,
我地之間就會慢慢疏離,
但係而家先中四,
我唔想咁快就變得咁疏離!!!!!
講真,對我黎講,
朋友佔我心目中第一位,
但係我發覺我地之間好似愈黎愈遠,
我唔希望咁啊!!!
冇愛情我冇所謂,
但係冇友情我真係會死!!!!!
可能有人會覺得我亂咁諗,
我都希望係咁!!
但係事實已經發生左,
我希望盡力補救,
希望就算唔同班都仍然係朋友!!!!!

幾日前中三終於都完左,
今個中三,
帶比我好多好多既快樂同悲痛,
同時亦令我反省左自己好多好多既缺點,
亦明白到朋友之間既友誼得來不易,
但係最後都好多謝你地原諒我,
升到中四,
希望我地咁多位之間既友誼能更進一步,
我亦下定決心係中四開始比心機讀書,
最後,
有一句說話想同你地講,
真係好多謝你地!!!!!!!!!!!!!!!!!

終於都考完試,
雖然我考試之前同自己講多好多次,
一定要比心機,
但係意外亦發生左,
呢個意外令我考試期間都冇心機溫書,
我係咁煩,
只能暫時溫書去逃避呢件事,
但係,
考試始終都有完既一日,
始終都需要面對,
但係我並唔想面對事實,
我心入面好迷茫,
好似冇哂目標咁,
計埋呢次,
已經係今年第2個fd同我抄左,
我由原先f3開始期待f4的心情,
慢慢變成恐懼,
我好怕你地會好似我兩個fd咁一個一個咁離開我,
我唔想孤獨一個,
我好無助,
究竟有冇人可以點一盞燈,
將處於黑暗的我帶番黎呢個光明的世界?!

其實我係唔係一個好剋人憎既人,
點解我做咩,
就算講下笑都會搞到好大件事,
我真係好失敗,
我再一次激嬲左我另一個fd,
點解今年中三要發生咁多事,
今日個作文題目「一段形貴的友情」又令我諗番起好多唔開心既事,
諗左好多啊!!!!
煩字一個!!!!!
十分後悔!!!!!!!!!!!!!!!!!!!!!!!!!!!!!!!!!