XANGA 終於修復好, QOOZA約滿停用...

更新至↓ 

http://www.xanga.com/Ken0522 

想了解我更多既,可以睇我呢個BLOG~ 

原因今日老媽子放假,買左野比我同呀哥食~食得好開心...平心一邊傾一邊食真係好少可...

食完野,出街,出街前睇睇電視,嘩...34度?!唔係呀化,我仲諗住今日著兩件衫,一件背心+件SHIRT

咁熱,咪搞,著番平時著既背心,又係個件=@@=去豆漿屋企睇演唱會DVD...

果然一齊睇會好D,好過自己睇好多,睇完都已經差唔多5點,我好想睇埋其他碟,佢個DVD機

竟然神左,真係神奇= =LOAD唔到碟...

之後好無聊咁畫白板,為我地之後既組合留個簽名留念

KEN OF MILK........... 

冇耐就走人LU ,問左豆漿借左個<同居密友>CD,番到黎同呀媽一齊煲...好搞笑...

仆你個芝麻蛋糕叮叮糖  <----金句@@,笑死...

睇完先知SAMMI係咁串架~睇左新聞有講SAMMI,好開心,佢有正面新閒...好野

加番兩張幾個前既長髮相....頭髮呀頭髮,你生得快D得唔得架?!= =

飲緊可樂...

演唱會開場前...PS:旁邊是豆漿...

我個XANGA好快就設計好個版面,將會重用番XANGA...

等我通知啦

-----------------------------------------------------------------------------------------------------------

今日係咁多,下次見~

今朝要勁早起身,成7點幾要起,好累呀,鬼咩...要補習= =

沖涼換衫就出門LU,唔夠兩個三個字就到,實早到,行得慢D~

時間岩岩好,入到去唔洗點等就上堂,個呀SIR講野好細露仔,我地都F.2升F.3啦,

唔洗咁柔既@@不過真係教得好好,D數我睇落唔明,但聽左方法就識,幾好~

點都好過F.1-2教我數既人啦= =,期望數學改善番,F.3要出全力呀!!!

番到黎,有點唔舒服,一睇就知我老豆傳染左比我,啦啦聲去左睇醫生,好在早睇,

E家冇乜事LU,不過食左藥好WING@@,算啦...冇問題~

11點幾出去買書,之後去學校等J倫同呀銘...呀銘,好野喎,遲到一個鐘,等到差D訓著左= =

佢到啦囉,出發~開始今日既SHOPPING行程,哈哈...

首先去左太子,呀銘買左幾件衫同袋,佢呀媽打黎,佢竟然公然擺我地上台~話我地都有買

有鬼呀?!

之後J倫唔識路,行死我地,又話旺角地圖王,都係唔識路,行左好耐到左潮區啦...

我同J倫都還手,J倫買左衫,我就買左對鞋同首飾,用左差不多$170 ,冇晒錢,呀銘搭MTR

我同J倫搵巴士站,行左好耐,呀媽打黎,好野~有人教路~識行囉~~行左幾耐,好累,腰痛,乜都齊=@@=

我老啦....

搭66X走人,訓覺...差D唔識醒>.<番到去8點,好夜=,好少可自己去咁夜街~

好累呀,我諗今日可以早訓...聽日打算去豆漿屋企煲SAMMI99年演唱會同SAMMI D電影,哈哈...好好節目,

不過要節省一D= =下個月既零用比我用光~@@

兩個月既感情,唔諗咁多,冇左就係冇左,暑假簡直係分手月...

Joanne,其實唔係關你事架,係佢自己諗太多,你唔好咁介意就真~

復回自由身,想做咩就做咩,想講咩就講咩,都幾好既...

唔失邊有戀呢,再來過,一定找到更好既~話就咁話啦...

For everybody~:

   感情其實是要低調進行,感覺先會最真...高調的愛情往往過程很短...

重新開始...

---------------------------------------------------------------------------------------------------------------- 

講番日常生活啦,聽日就要開始補習,都好早9:00就開始...好驚...起唔到身,日日4點幾先訓得著,

1點先識醒= =  做左懶訓豬=@@=

要開始做D暑假作業啦,好懶啦我,一頁都未做過= =

計畫下聽日先,補完習要去荃灣買書,上埋豆漿屋企煲SAMMI99年演唱會,仲諗緊去唔去旺角買野= =

又想買CONZE鞋,又想買富,衫我就有好多啦,點算呀= =得$250做得D咩?!

買其他潮野,去旺角潮流特區同旺角瓊華中心...

SHOPPING...= =

近來冇野做,冇街去,冇人約,冇人理,冇人打比我,就算有,有D都唔多想去...好LOST...

照例...出街遊,今日番左去荃灣,搭左架57M,少有地用AL,感覺好似...M..唔識講,我鍾意呢D感覺...

到左荃豐,睇睇有咩禮物可以送比佢,買左,冇心機再行下,上緊去同時,睇到間耳環店,都冇乜心情睇...

慢慢走,行到巴士站,雖然等左好耐車,但係冇乜野諗,好無奈咁等...好迷失,有車,照上,D風不斷吹住我,好舒服,

唔想停...唔想番屋企...

番到屋企,同左老豆罵左幾句,就冇乜野想講...

是我脾氣大嗎?我都不知道...

丁番MSN,睇下佢有冇ONLINE,依然係冇... 

冇晒心機,練歌,唱下D傷心既歌,好左D,但係個種LOST既感覺仲係到...

~無援地傷心一場　沒法知一些感情真相......

等...等妳的出現...

不知道這些是不是愛?看見了你,很開心,看不到你,就很像迷失了自己,我不知道是不是愛上了你,

希望再有機會和你遊遊,就算你不喜歡我,也想和你一起...

以往的失戀,令我不想再談什麼戀愛,那種感覺很難受,

追求過2位,都是失望而回,前女友,走了

不想再失敗...不如...放棄吧好嗎?!

不知不覺諗起好多唔開心既野...

是我樣貌不好,還是人緣差?

今日傷心BLOG,係咁多,再見~