無心機...唔想打, 好唔開心....

睇下先,我冇打日記都差唔多成年啦,今日再打番都係一種緣份= =...回歸正傳啦,今日番學真係認真悶,我呢個夜貓都差d訓著,咁當然我係良好學生,我上堂表現係非常好既,我覺得啦,起碼我唔好點嘈法,都有90%聽書,不過就左耳入右耳出呢...今日Miss Chan要我地揀番去邊到trip,我就冇乜現見既,我有得去就算架啦,但係真係估唔到又去海洋公園囉,算啦,我都係玩番個幾個game架姐,不過同邊個一組都唔知,我諗我都係要同個班喇叭一組架啦~.~講開又講番去學校d野,我又做左音樂科科長啦,我諗我f.1-f.4都係做音樂科科長架啦,係運動方面,我依然都係排球校隊,不過今年唔係葉sir教我地,原來係另外個一個3唔識7既呀sir,嘩...我番第一日排球就知之後個幾年我會點啦,個呀sir超變態,做完掌上壓,又做sit up,再做兔仔jump,再坐無影sit...諗起都傷心,個日之後我唔做得運動幾日,行路都好痛睇黎我聽日都會有同一後果,希望聽日只係傾波衫,打一陣波就算....

好耐都冇打到日記啦,真係有d唔慣...呢一排真係多野做呀, 又要學結他又要練排球,圖書組又要開會,之前又話要考試,家陣又話睇成績...講起成績今次真係考得嘛嘛,今次考第84名,全班第27名,真慘,b班要求 我地要係80名之內,我就岩岩超出左,唉今次又比miss罵啦....下星期就要考音樂,唔係考我唱歌,係考我結他...明明我唱歌好d架嘛,學左樂器就 要考樂器,死得啦,我唔太識彈結他架,d指法都唔太識,唔係咁玩我呀= =..

真係唔好意思,番學個邊太過busy,所以咁耐都冇寫到日記,呢排發生左好 多唔開心既事情,話明係日記呀,就緊係講番今日啦..今日好慘呀,我第一次比Miss罵,而且我最好既friend比人告,我個fd叫oscar,佢我識 左佢7年架啦,而且我地仲好好朋友添,今日有個人就追住oscar黎打,追住oscar個個人叫Ernest,之前我地係fd呢架,不過識得佢愈耐,就覺 得佢愈衰,佢成日都追住人黎打架,之後oscar就比ernest打親隻手,佢就緊係還手啦(以佢性格),所以oscar就打傷ernest啦,之後 ernest就告左oscar啦,最奇特既係,呀ernest就只係話oscar打佢,又話冇打到oscar呢個大話都好離普囉,今次如果oscar比人 扣左小過或者大過,而ernest又冇被接受處分既,我一定唔會原諒ernest,次次做錯野又唔認,上次又認自己拎左我d野,真係好衰囉,我以後都唔會 接近呢個人架啦(冇天理架佢)

今日好唔開心,成個人down晒,原本都仲ok,但係聽到我老豆同呀媽係到罵架,成個人好亂,乜都down,乜都唔想講,無心機,今晚比我知一個壞既消息,我唔希望有人問我,而且我都唔想記得..聽日重新黎過....