今 日係正式番學既第一日,雖然冇咩野發生,但係我總係覺得好開心,今日arts課既miss勁搞笑,好風趣,係就係好惡,但係惡起黎好搞笑,因為我地 arts課有d嘈,所以就放遲左lunch,所以我同埋成班fd去食飯,食左唔夠15分鐘就要番學校,之後我同李長兄一齊番去,番到去學校就要集隊, 嘩..排左冇幾耐就係咁出汗,勁熱呀....之後就要上我唔太鐘意上既中文堂,雖然呀sir講得有d搞笑,但係都好悶,而且加上我累,自然就好想訓覺,但 係要忍住,勁無奈..之後放學我又諗住番去伍季明,但係我見冇乜老師係地下,個個都上晒堂,所以我就直接番屋企 啦..........................家陣好鐘意呢間學校呀^^

今日番學有好有唔好啦,今朝8點幾集會(係操場個到),校長講左好多學校d野,而且仲介紹左好多老師添,但係時間一虺,個人就好唔舒服,個人wing下 wing下咁,但係我話左比個位師兄之後,行去休息室個陣時,個人飄飄下咁,乜都睇唔到,成身冇晒力,之後連知覺都冇埋,勁慘,之後好在1分鐘之內回服 番,之後有兩個人幫我,過左幾分鐘個人都好番好多,多得個位師兄幫我炸,如果唔係我仲辛苦呀,而且我覺得我間中學既師兄好友善,好關心我地呢d師弟,好似 一家人咁,到左10點幾,我位班主任就話比我地知原來係10點半放學,個陣時先知道= =,到左放學,我地(我個3個老友)諗住番去伍季明睇下d老師,個兩條又話d老師未番,唔入去,後未見到李主任,佢問我地番開唔開心,之後仲好客氣咁叫我 地一齊入去睇下,入到去,有少少野唔同左,第一就緊係有d老師唔同左啦,第二就係地下啦,地下番新左,令左dd,我地見左馬姑娘,陳老師,同男既李主任, 但係太少老師番左黎,所以我地遲d再黎過,我一番到屋企,第一時間就緊係沖涼啦,涼完涼我就著去街衫同寶寶,大頭妹(仲有好多人架)一齊食lunch,食 完lunch之後,我地就一齊番去伍季明啦,點知係綠楊個邊見到肥so,原來佢轉左校,所以我係荃濟見唔到佢,傾左一陣之後,就去左學校啦,個陣時因此未 小息,所以好多老師唔係下面,所以我就第一時間去睇下梁老師,之後仲幫佢手整d野,之後一小息,我就緊係出去睇下d老師落黎未啦,睇睇下原來信班都黎晒, 就緊係睇下佢地啦,後未仲愈黎愈多人添,但係因為全部老師都要做野,所以謝校長就叫我地聽日就黎過...(我緊係聽日再黎啦)之後我同李灼,中文書, brian一齊係冒險樂園玩,我地都玩得好開心(唔知幾時可以再係咁玩呢...).....聽日就正式番學啦,我想做班長呀,不過要係1星期後先做到= =

今日冇乜唔開心野發生,而且都冇咩開心事,但係好想快d到聽日,可以著住中學校服到小學到探下d老師,不過我件番學衫好大,好唔慣....好心急呀,快d到聽日啦,好想快d見到老師呀.....

今 日我自己去左溜冰,冇人陪我都有d慘架,不過我溜冰又唔係玩玩下,而且我又要練後溜,練到死死下既,之後我就練番前溜啦,點知比個3個豆丁撞到,好在冇仆 姐,如果唔係都唔知點起身,後來我就溜得幾快(對我黎講)同個個同我差唔多既<某利>一齊溜,睇下邊個快,結果就係我地既溜冰水平差唔 多...最後我溜左4粒鐘(溜死我啦),隻腳痛到呀媽都唔認得,仲流好大汗添,但係我身上又冇乜錢,咁咪去左<老mc>買個< Apple Pie>食就算啦,但係好衰唔衰個pie熱到雞pie咁,食到我den den下既,之後我番到屋企,隻腳已經冇晒力...食飯都冇胃口(本來好肚餓架 )... 到依家1點幾,打呢篇日記,已經冇晒能量啦,話時話我都冇打日記好lu,所以今日專登打長少少既!今日我學到後溜啦,有d開心,如果我練多d咁話就可以溜 得快d架啦,至衰我番學之後唔可以溜得咁多次冰,如果唔係,我神早學識啦,唉...我諗我都要一個月後先學到呀...

唉..今日好唔happy呀,今日做唔到一d野就比我老豆話我無用,之前我老豆已經話我廢物架啦,唉..其實我係咪好無用呀,我讀書又唔太好,5兄弟之中我既成績係差唔多最差個個,無論我做到最好,最後咪得個吉...算啦...讀中學之後,就要重新黎過,努力d啦...