今日，輕輕鬆鬆度過

雖然同有瑞玉飯局

不過都習慣咗

就黎考試lu，要預備一下... 

上星期嘅趣事:

Anny睇"尋找他鄉的世界出發" 果陣睇到噴水，仲要連噴兩次，爆笑

上上星期的怪事:

有次交安集會時，因為測驗而遲到，所以要等一陣去入隊

點知有個坐係附近嘅女仔同我講:"你遲到呀?"

我同佢講"唔係呀，我頭先要地理測驗"  (你邊位呀= =?我好似唔識你喎)

"哦....."

(而家啲女仔興同啲唔識嘅人講野= =?)之後冇理佢，入番隊

上星期的怪事:

又遇著果個謎之少女，佢問我"你中幾呀?3B?"(關你咩事= =?)

我答"唔係"

"4B?"

"唔係"

"6E?"

"唔係"(我未聽過基元有6E...)

"9C?" (你搞gag呀....)

"其實我4C嘅"

"你中四仲玩交安嘅?"

"以前玩開嘛...."(做咩問禁多...) 

"哦....你幾多歲呀"

"15"(你問完未呀...)

"吓?你禁細個讀中四嘅?"(好出奇咩...)

"我好細咩?你又幾多歲呀"

"14"(唔知可唔可信)

"哦......."

因為有其他野做，所以唔同佢講禁多...

而家啲女仔禁得閒嘅....

前日七號，早上同翹一齊食早餐

之後返學校跟大隊坐巴士去魔鬼山

除咗基元老師外，仲有三個帶隊嘅人

一個叫Eric，一個叫Johnson(兩個之前都做過紀律部隊，勁)仲有一個叫Way Sir(軍火專家，仲勁)

係車上Eric同Way Sir不停係度講魔鬼山嘅歷史

之後坐去到山邊，落車上山

當上到山頂時，Eric講解嘅時候，突然肚痛....

只好以映相分散注意力...

之後去到第二個炮台，又同Way sir講軍火啲野，學咗好多野哦

最後坐巴士返元朗，同翹食午餐，返屋企

今日去咗元朗官小

同埋Winsy,Hilda,Kathy,Jin,Louis帶小朋友玩遊戲

嗚...有成半日都要講英文

不過啲小朋友好可愛哦.....

最後玩得個一個鐘就走....未免太快...

之後返教會....嗚....生日週完咗....(見到Winnie隻腳紅咗，唔知咩事呢= =?)

然後祈禱會...見到呀澄打蕉蕉，打到整親自己隻手....無奈

完咗就問apple攞功課...返屋企.. 

今日，中午出門口，去理工返果個English Language Camp嘅Debriefing

同埋Hilda一齊去(其他人都唔去T_T，諗住可以鼓勵呀Jin講多啲野)

去到，兩點半先開始，所以就行咗陣，跟住突然覺得好肚餓(之前食咗野都肚餓= =")

然後自己用二十分鐘找M記，買野食，食埋個至尊漢堡餐

食完廿七分就入去演講廳聽Debriefing

都幾悶下.....

電腦筆記奪還作戰成功.... 

不過都係好忙

名符其實的安息日....

呼...終於可以休息下lu 

感謝呀him幫我補數...仲要佢病果陣....

好累....旅行啲事太長...唔想打 

晨早返到學校，又唔見Eric...好似病得好重...

好似好多野做， 只好見步行步

今日好多人話我靚仔咗....嗚.... 

之後食飯...同Marco食，因為要幫佢搵黃文杰= =

放學補數學...都係好難

然後做埋中史，返屋企 

補記星期六

朝早係屋企睇"英國戀物語 艾瑪"<--女僕+眼鏡

幾好睇，講19世紀嘅一位貴族同一位女僕嘅愛情故事，不過受到家人嘅反對

究竟佢地嘅愛情故事可唔可以持續落去呢?

好想睇落去

之後返青年崇拜，返到去........哦?點解寫個我個名上去影音果度嘅? 

結果就上咗去音響室幫手

嗚....集中唔到精神...

之後祈禱會

完咗就去剪頭髮

預備聽日獻詩，有個好睇啲嘅儀容

剪完之後...發覺個頭都剪得唔錯...感謝主

之後返屋企...預備件襯衫同西褲，刷埋鞋

預備好應該係我最後一次係兒童主日學嘅獻詩

今日

七點起身

出去食早餐

然後九點練歌

嘩....啲女仔著得好靚(可惜冇帶相機)

同啲小朋友、導師練咗成個半鐘

主日崇拜獻詩

獻詩前，善慶見我緊張，贈咗我一句:唔駛理其他人點睇你，只要知自己做緊啲咩就得啦，你要做嘅就係獻詩比上帝

跟住獻詩...都總算順利

之後牧師講道，主題: 耶穌進入耶路撒冷

重點:嗚...好似係面對不同嘅挑戰，都處變不驚

完咗崇拜，發現一個同學都冇返(唔通知我獻詩難聽所以唔返= =?)

結果就係"木棉樹下樂天倫"

食完野...肚痛...即刻返屋企