前兩日...

都唔記得做過啲咩lu

今日

晨早8點去咗M記

然後9點返學

之後果兩個鐘都係練Drama

然後11點啲女仔就幫我化妝

又要搽粉，又要畫眼線，畫眼影

初時唔慣，又緊張，所以比Judy畫到隻眼好痛(化妝真係辛苦)

之後試埋個假髮，覺得自己真係好似女仔...

之後食完飯，演出，第一班出

之前好緊張...不過出到去都做得好自然

其他班演出都唔錯，特別係4E，好專業哦

最後我地得到亞軍，呼...真係辛苦

上返班房，好多人走黎同我影相

之後夜啲就去咗慶功

首先上呀Wing屋企打機，好好玩

之後去咗會所唱K，無奈，好多舊歌

唱完就去寶島食野

今日真係輕鬆...

今日早會都係獻詩

都係啲初中學生活躍啲

之後數學測驗，死咗...不過總好過上次

之後歷史堂，自己唔係對今日果課太大興趣...基本上冷戰最精彩嘅都教完，失望... 

之後英文默書，錯啲好大意嘅野，失敗...

之後電腦堂，啲好似programming嘅物體好難，慘

午餐去咗買飯盒，又整Drama啲野，不過好似冇整到

之後中史派測驗，成績都算ok，不過都有進步空間

跟住放學排Drama，我件新衫好靚哦

進展唔錯，不過仲有好多野要改

今朝晨早返到黎學校

諗下有咩未做.........!.....冇野做? 

然後早會就去咗獻詩

不過好奇嘅係，王卓筠都係度獻詩...奇怪....

啲高中永遠都係冇咩反應- -...

跟住地理堂測驗，唔知佢問咩...算...

然後宗教堂，寫對馬禮遜牧師嘅感想...400字

數學堂...Quiz合格...

準備聽日第9課嘅測驗...慘...

第二個小息，為咗試下Drama個假髮，Judy比咗個假髮我戴， 仲要比人影- -

之後世史堂，黃sir將史太林讀做"小太林"

唔通人到中年就會眼花走音讀錯字?

之後去咗和味館食

好好味

到咗中文堂

又係測驗，不過好似好易

放學咗後，去幫手整送比老人家嘅禮物

之後又去整Drama啲道具(自己好似拾荒者，執紙箱)= =

又整多一棵樹，大家一齊係度影相

之後又整度7點鐘就返屋企lu

唉....好多測驗哦 

補記琴日:

星期六，比EKI叫咗去X

Time Crisis 4真係好好玩

不過要戒咗去lu...作為職員唔應該去果啲地方禁多

團契主題係MC(May and Cherry)時間

感恩蕉蕉返咗

玩咗兩個遊戲

第一個遊戲:

帽眼避開障礙物，超難玩，好難分得出邊啲係隊友同對方隊伍嘅聲音

學習到嘅野:

時常渴求主嘅話語，先可以分清上帝同魔鬼嘅話

對主有堅定嘅信心

停一停，諗一諗，做事要緊慎

第二個遊戲:

用工具將圈內嘅水盆整出圈外

因為之前玩過，所以好快玩完

學習到嘅野:

不要驕傲

每一樣野都有佢嘅存在價值，問題係你會唔會發現到佢嘅存在，同埋佢嘅存在價值

之後去祈禱會，食野，返屋企。

幾輕鬆嘅一天

星期日，買腸粉魚蛋食

諗住買多包魚蛋比Apple食，結果順手將果包魚蛋同埋自己食完果包放咗入垃圾筒

浪費咗食物.....

然後食完去咗練歌，跟住發現原來唔駛主日學，Apple都冇返

結果就同啲主日學嘅弟弟妹妹玩煮飯仔

跟住返崇拜

好多團友返哦

聽完道搞到自己好想學護教學

然後完咗去食吉野家

特盛好好味，不過我見到有人故意浪費食物- -"

食下食下聲到有位中年男士對住自己嘅細路(約小一小二)搞狂冷gag

又喂佢地食飯

好溫暖好幸福哦

之後返屋企換PE衫返學整道具

整咗一棵樹，一塊廚房

我淨係去咗買野，比idea同掃地

好似好冇建樹- - 

整到七點先走

唉...又要測驗lu.... 

經歷咗禁多測驗 

終於都可以輕鬆一下lu...

今日校慶二十五週年

本來以為冇野做...

結果琴日比人叫咗去企停車場

班中一嘅交安簡直就失控，慘...

站完崗，好想訓，不過仲要練詩歌，然後再練話劇

唉....團契啲野仲未搞好..慘 

禁慾... 

今日考中文卷一

唔識文言文... 

跟住考世史

前面資料題差唔多題題都識答

論述題就慘囉...無方向吹水，都唔知得番幾多分

考完就同熙翹食飯

跟住返教會溫書加"hei"

返到屋企，突然好想執下自己間房

執到好多野哦

有小學時嘅生日咭

好感動T_T 

今日返主日學

之後去咗崇拜

見到昌哥哦!好似好耐冇見禁..

食完野又返主日學...

跟住溫咗陣書

然後就同人玩"蘇格蘭場特警"

好好玩... 

今朝九點幾起咗身

返教會前去咗買早餐食

係青年中心食到一半果陣...

比依玲見到我...

禁都比佢見到

食完之後上去U2

點知一個人都冇

結果就"借"咗個手風琴黎玩，真係好好玩

之後麗芬黎咗就開始溫書lu

溫完出去買M記食

食完返團契

返完又再上U2溫，阿揚都有上黎

唉...Maths真係呀好難哦

辛苦麗芬同阿揚哦...

佢地真係教咗我哋好多野...

溫到六點幾就返屋企lu

努力努力....