今日我好開心，因為我派到去甲寅年，本身我冇諗過會派到去D間學校，會派到去田家炳，點知，我真係派到去甲寅年。

　　返到學校，我知道我派到去甲寅年，我不知幾開心呀！我即刻打電話比爸爸，話比佢聽我讀到甲寅年，佢都好開心呀！　

　　跟住，我見到鍾敏兒喊，我過去問佢做咩喊同安慰佢，原來佢派唔到甲寅年，派左去田家炳，我都唔知點解佢派唔到去甲寅年，佢D成績仲好過我，我都讀到，佢又讀唔到（我唔係話我自己叻過佢），真係慘..................

      跟住我又見到林晞昕喊，我問佢點解喊，佢話佢冇得同熊韻瑤同鍾咏雅一齊讀甲寅年。

      放左學，我姑姐同三叔打電話比我，佢地話恭喜我。

      返到屋企，我又打電話比媽咪，佢又話恭喜我！

      總之，我今日好開心！