Sorry呀!咁遲先寫。
星期日，我又去游水喇!今次又係同Pinky姐姐到三星灣度游水。
我一朝早就起身，自己搭車出去黃大仙，同Pinky姐姐會合。佢帶我去佢細佬屋企，因為我地都會同埋佢地去游水，仲有一個BB去添。
我地食完野，預備上車嘅時候，佢地嘅朋友遲到左。要我地喺一個大火球下等左兩個"字"。我地未游水，成身就已經濕曬。
我地去到，已經12點幾，未落水都已經濕曬，我地喺熱頭最熱嘅時候游水，真係舒服，但係就會曬到黑曬。過左一陣間，我想試吓游到去浮台，所以叫Pinky姐姐同我一齊游過去。去到浮台，覺得好舒服，我地訓喺浮台上，咩煩惱都冇曬。
再游番上岸，又再游到另一個浮台。今次我喺浮台側邊，練吓踢水。點知，番黎嘅時候，兩隻腳都比D好尖嘅石頭拮損左，冇得游水，只好同BB玩沙。
| 
