2010 年 3 月 18 日 星期四  |
| 2010 年 2 月 27 日 星期六 |
| 2010-02-27 |
分類: 未分類 |
琴日去左葵芳,有一個睇相佬同我睇命,佢話我條命生得唔好,個名都唔好,佢叫我如果有錢的話就去改過個名，仲話如果結識男仔，要小心Ｄ。仲話要俾心機Ｄ讀書，要身處上流社會先可以改變自己的命運。
如果第日要改名嘅話，改咩名好呢？ |
| 2010 年 2 月 10 日 星期三 |
2010-02-10  |
分類: 未分類 |
今日終於完左個比賽啦!心情輕鬆晒,雖然輸31比12咁大比數,不過,我都好開心,因為我無炒蛋,哈哈
不過煩完一樣到另一樣,今晚仲要做埋個project,聽日要俾波波源睇,唔係好識做,點算呢? |
| 2010 年 2 月 9 日 星期二 |
2010-02-09  |
分類: 未分類 |
好驚聽日班際啊!我唔識打雨毛球架,我識上手開波,但係唔識下手開波,比賽一定要人下手開波點算啊？今日同王陸奇打十一分,結果我輸十一比零,鍾珊仲勁過佢,點打啊!實炒蛋,最慘係,我驚聽日淨係發球失誤都無晒十一分。
都唔知點打．．．有Ｄ唔想比賽，想退出，好灰，無晒士氣。今日４點打到６點３０分，無一次發球係ｏｋ架，點打啊？我唔想連累阿蕭要幫我爭分，更加唔想連累佢輸．．．我開始有Ｄ後悔當初應承阿銳出賽，我唔想打了，連下手開波都唔識，點打啊，唔係棧出洋相．．．唉．．．點算啊．．．．．． |
| 2010 年 1 月 29 日 星期五 |
| 2010-01-29 |
分類: 未分類 |
依家好似放鬆左好多,因為今日完成晒三個test,雖然BIO死晒!但係我對PHY有信心,應該可以拎到一個唔錯嘅成績,至於英文就......哈哈...唔好提啦!等我自己開心D。
不過,我知道現實永遠係殘酷的,唔駛幾耐,miss梁就會黎捅爆我個夢。唔緊要啦!我知道自己嘅水平去到邊,我唔會放棄,我第二個學期一定要拎返個頭五,如果唔係會俾我阿媽剷,咁都唔重要,最重要嘅係俾佢的左我去補習就大劑啦！
所以呢，我以後可能會少左時間玩電腦。唉．．．家陣做學生嘅，真係慘
|
2010 年 1 月 28 日 星期四  |
2010-01-28  |
分類: 未分類 |
唉...今日超唔開心囖,無端端上HE堂俾人話左個幾鐘,lunch仲係度話,不過我最唔開心嘅係,連我地自己班主任都唔信我地,雖然,我地全部人都唔交功課係衰D,但係我地都唔係夾埋,唔知頭唔知路就係到屈我地,仲話咩要扣三分。一個lunch,兩個miss輪住黎,係咁狂話我地,超唔分氣,你估我地呢D做學生嘅好得閒咩,正係做你個樣功課呀!我阿媽講得無錯,家政只係一科唔係咁重要嘅科,係做都做左第二D科的功課先啦!D老師都唔識諒解學生,聽日仲有三科test加中文默寫,有排我地讀呀,份家政仲要我地聽日交俾佢,真係想死,唔怪得知香港D學生自殺率咁高啦,都係D老師逼嘅....... |
| 2010 年 1 月 20 日 星期三 |
| 2010-01-20 |
分類: 未分類 |
呢排好中意睇我和殭屍有個約會,超中意馬小玲。周不時都係到諗,呢個地球到底有無殭屍存在呢,D殭屍會唔會好似套劇D殭屍咁,做成世界末日呢？
死啦！我好似諗到顛左，太沉迷啦！不過套劇真係好好睇，每日唔睇過都唔安樂。
可能．．．係我地呢Ｄ神神化化嘅人先中意睇呢Ｄ神神化化嘅野，不過我都推薦呢套劇俾大家，雖然都幾舊，不過好嘅野睇幾耐都唔會討厭。唔知大家中詫睇咩劇呢？不防講出黎，一齊分享下！ |
| 2010-01-20 |
分類: 未分類 |
依家漸漸中意返學,開始察覺到返學係可以咁開心。
以前返學,每日都係功課同test好難有一日係可以放鬆,但係同D同學得閒傾下計、玩下、講下笑,個種感覺都幾好。
當有咩野煩個陣,個人都學識點樣去放鬆,唔駛俾D學習上嘅野塞住晒個腦。
不過,我依家好似唔多中意返屋企,因為每次返到屋企唔係無人就係俾人話,開始有D討厭咁樣。 |
| 2010 年 1 月 15 日 星期五 |
2010-01-15  |
分類: 未分類 |
好開心啊!今日終於完左個drama,而且好掂,係採排以黎咁耐都味有過今次咁得,雖然係好緊張,但係就有好大滿足感,一閉幕個陣,我地個個唔知點解自己坐晒係地下,仲圍左個圈。大家一膂玩左一拳右一拳、青蛙青蛙跳,仲影左好多靚相。今日真係超開心 |
| 2010 年 1 月 14 日 星期四 |
| 2010-01-13 |
分類: 未分類 |
呢排天氣凍到爆呀!仲凍到我病埋,搞到我琴日要請假。好衰唔衰,今日返到黎仲要測驗,搞到我頭暈暈,頭都大埋,真係唔明點解D老師咁中意突擊測驗。剎D學生一個措手不及,然後大把人唔合格就係到狂鬧,跟住就叫人correction,corr到手都抽筋。唉......今時今日做學生真係慘,我問過我阿媽,媽個陣時都唔洗做功課。唉......睇黎有排捱啊!我仲味做晒功課...... |
| 2010 年 1 月 6 日 星期三 |
| 2010-01-06 |
分類: 未分類 |
今日中史堂默寫,寫到我手都抽筋,勁多野寫,岩岩過濾完一批又來一批,真係辛苦死我啦! |
| 2010 年 1 月 5 日 星期二 |
| 2010-01-05 |
分類: 未分類 |
好眼訓呀!前日先係大陸返香港,都仲未回到氣就要返學,仲有勁多功課做,唉........ |
| 2009 年 12 月 29 日 星期二 |
2009-12-29  |
分類: 未分類 |
今日好悶呀!D功課都無做過,要留返係屋企做功課。
本來琴日去李姑娘個婚禮影左好多靚相,不過唔知點解save唔到落台電腦,所以大家無眼福lu! |
| 2009 年 12 月 28 日 星期一 |
| 2009-12-18 |
分類: 未分類 |
今日好開心呀!因為所有煩惱都拋開晒,而且心結都解開埋,不過係呢度要同阿蕭講聲ｓｏｒｒｙ
因為我怪錯左你，希望你會原諒我啦！ 真誠地向你道歉ｓｏｒｒｙ
不過遺憾的係，我唔可以去ｂｂｑ，雖然我都好想去，但係．．．唉．．．一言難盡 |
| 2009-12-17 |
分類: 未分類 |
好煩呀!都唔知去唔去bbq好,上個月都燒左三次la,喉嚨都未好,仲燒我驚會出唔到聲
但係唔去又好似唔係咁好，總之好煩呀！！！！！！
仲有呀！我今次考試得第９，退步左好多呀，全級７０幾趺到１００幾，
都唔知點揀科，ｍｉｓｓ話好難揀到我中意個科，我到依家都未同我阿媽講我的名次，
驚俾佢鬧，唉．．．．．．．．總之今日超唔開心 |
| 2009 年 12 月 15 日 星期二 |
| 3A的同學,如果還沒有做成語的，可以在這裡抄 |
分類: 未分類 |
家喻戶曉 家學淵源 紋風不動
莫逆之交 連絡不斷 捧腹大笑
眾志成城 得心應手 得意洋洋
從善如流 望而生畏 淚如雨下
張口結舌 將計就計 喜出望外
雄心勃勃 虚有其表 啼笑皆非
無所事事 集思廣益 集腋成裘
惶恐不安 普天同慶 畫棟雕樑
開卷有益 閒情逸緻 費盡口舌
發憤圖強 賄賂公行 鼎鼎大名
過眼雲煙 微不足道 飽經風霜
詭計多端 意味深長 意氣相投
義無反顧 義憤填膺 煙消雲散
源遠流長 滔滔不絕 滄海桑田
禍從口出 熙熙攘攘 輕描淡寫
稱心如意 與世長辭 語重心長
滿載而歸 漫不經心
|
| 2009 年 12 月 14 日 星期一 |
| 2009-12-14 |
分類: 未分類 |
好開心呀!今日係我第一日擁有自己的網上日誌,歡迎大家留言,不過我唔係日日都會回覆,
因為老師俾太多功課,做得功課都唔夠時間開電腦,請大家多多見諒 |
|
，聽日仲要表演啊，一定不在狀態啦，點呢？開始有點緊張呀！
