好想走!!好想番香港!!!!!!!
黎到美國之後第一次喊...........我頂唔順喇..........一開始，到美國既時候，抱有好大既期望。因為去到一個同香港完全唔同既地方，好新鮮。而且最重要既係可以同爹地一齊生活。我從未同佢生活過(自我有記憶起)..............但係，期望逾大，失望逾大.............
啱啱到果陣，爹地同我想象中既一樣，好搞笑，好nice，有好多朋友，成日介紹我俾人識，好開心~但之後，番左學無幾耐，佢就完全唔同................
我明佢緊張我學業，但都太過火喇!!!!!!!佢成日問我有無功課，我答佢老師每日都會俾功課我地做。咁佢就每次都問我做完功課未，做完就俾Patsy(佢女友，人好好，我好鍾意佢~)睇。我就話;「唔洗啦~因為老師每次都會講解，而且第二日都係老師睇，錯左就會重點講番，而且我都未有野唔明~所以都可以。」咁佢又話:「咁你都要知點讀架!!!」我就話:「每日老師都會同我地由頭讀一次，學美國發音，語氣。而且如果唔識既話上網可以查到點讀。(我會標記D音)所以唔洗乜都煩Patsy。」佢就話:「咁你無拼音咪唔識讀lo!!!!你唔睇住本書就咩都唔識架啦!!!!!我都無同你啊媽講關於你讀書既野!你用你自已既方法!?你係香港都有補英文，但過到黎點啊!!!!咪又係連7年級既學生都不如!!!!!!你如果係讀到書既就唔會咁啦!!!!咁死差!!!!!!!(下刪一大段鬧人的說話，因我唔想再回想。雖然係剛發生.......)好!!咁你用你自已既方法我唔再過問你讀書!我就你下你仲可以讀幾耐!仲會有D點既死人成績!!!!!!」
哇!!!!有無搞錯啊!?????????我唔係話咩都唔問人，只係我唔認為真係每一次做完功課之後就大叫:「Patsy!!你黎睇下我做得啱唔啱??Patsy!!呢個字點讀啊??Patsy!!呢個點解啊????Patsy!!Patsy!!!!!!!」咁樣姐?!有咩唔啱啊???我就唔可以有D自信嗎??
仲有，我讀書究竟有咩問題??咩叫我都無同你啊媽講。講咩啊??我可唔知道我係學校有任何除英文唔叻以外既問題喎!我更唔記得你曾幾何時同我老師同埋我媽傾過計囉!!!!!!另外，無錯，我係香港係有補習，但唔係只有英文架，仲有其他科架!!而且明顯地，香港既英文程度同美國既絕對唔同囉!!!!!!!我唔保證每個中五生過黎都同我一樣。因為我知至少Band 1既學生一定唔係!!但你見我Pass左個會考就知道程度有一定既差距啦!!!就好似外國人學中文一樣覺得好難!!!中文係我地既母語，英文係佢地既母語，兩者都唔可以拉埋一齊講既!!!!!!!!!!!更何況買番黎既果本作業係問一D地道美國本土既生活問題，我都完全唔知係咩，咁又可以點呢??你自已係度住左17年都唔識啦!更何況係黎左只有3個禮拜既我!!???????真係有無搞錯!!!!!!仲有，我讀左十幾年書，我讀書有自已既一個方法，真係唔係好需要你黎重新教我點讀書!!所以佢講既野真係太毒喇!!!!!!!!!!!
再加上佢其他平時既不滿因素，我真係勁唔開心呢3個禮拜，我有太多無型既壓力喇，所以即使係我生日有好多個Party，但我都唔係好開心.............所以今次喊左出黎應該係一個解脫吧..............但....................
真係好想離開呢個所謂既"家"!!!!!!!!!
我好想同人傾訴，但又無人...........而且又唔可以俾啊媽知道我唔開心，所以只好寫係呢個無人睇既日記網頁度................
 | 
