今日，我喊喇..........原本都無乜特別嘅事發生。但係，當我媽打電話黎，講左一大輪野之後，佢同我講佢琴晚同左啱啱由美國過黎嘅我嘅姑媽食飯，托佢帶啲野俾我。其中一樣野就係我嘅相簿。佢話我姑媽見到其中一幅我表演果陣嘅相，想要，所以我媽就俾左佢。我聽左之後好緊張咁問喺邊一張。佢就話:「咪就係你嘅相囉。我自已都攞左兩張!一張係我同你影嘅，一張係你嘅大頭照!咁你想點丫，係咪唔得丫?唔得我咪俾番你囉!」之後我就話如果係佢就無乜所謂，但有啲相，我真係唔想俾人。但都無辦法啦，唔通問佢攞番咩。算啦。之後佢就收線。跟住，我就喊喇。因為，有啲相，我真係好鍾意，好珍視。因為果啲絕對係我之前練習練得好緊要，表演果陣終於做得好。又或者係我認為好特別既一刻。所以無論之前邊個問我都好，我都唔會俾。我知，好多人都會話:「再晒過咪得囉!」但係，唔係張張相都有soft copy架!有好多相都無!所以只係得果一張!!!!但係，我媽卻滿不在乎咁話「佢想要我就俾左佢」我真係氣炸了!!!!!!!!!!!!我打係呢度只係想渲洩一下。我知之後你地絕對會話唔好為啲小事而唔開心或者係喊咁蠢!因為已經有人係咁同我講。所以，老爸，偉明，你地如果都係想咁同我講嘅，我絕對OK。
 | 
