今日超好笑囉!!我老豆佢地買左部Printer番黎，我同佢女友部電腦都裝唔到，得我老豆果部得。所以佢女友就話一陣教我點樣喺我老豆部電腦度Print野。跟住我老豆就話點解要用我果部啊??部電腦我架喎!!佢女友就話咁如果佢有野要印都可以自己印丫嘛!
哇!!真係勁好笑囉!!!佢平時就成日要我用部電腦做呢樣做果樣。而家你咁樣對我!!????你部電腦就係你嘅，我部電腦都係你嘅!?!?!????有無搞錯??據聞部電腦唔係你俾錢架喎!!!!你真係當所有我嘅野都係你架!?!?!???(佢真係認為我嘅所有野都係因為佢我先會有囉!!!我基本上真係毫無私隱可言)
我喺呢度根本就感受唔到任何家的感覺。除咗佢唔喺到果陣，我間房先叫係私人空間，佢一番到黎就喺我間房度自出自入，根本就唔理我嘅感受!!!
以前喺惠僑度讀果陣仲開心而家!!!!之前有人叫我番番香港。再繼續讀書。講真，我真係好想好想!!!!!!我真係唔想再留喺呢度，住喺呢個家，對住呢個人!!!但係，我過唔到自己嗰關。
一開始係我自己話要過黎，我唔可以半途而廢!我過唔到自己呢關。如果我讀唔到就話無法子。但我而家仲未算真係讀書。只係惡補緊啲英文。我仲未想咁快服輸!!而且，如果我而家咁番去，我點對得住我媽咪，我啲契老豆，我啲老師，我啲朋友同啲同學????啊媽咁辛苦俾錢我過黎唔係要我唔夠三個月就放棄，番去!!!!所以我只好繼續留低!
但我真係開始懷疑自己。講真，我對人講野嘅話，其實唔係太細膽。加上以上嘅原因，我亦好努力咁去試試同外國人溝通。但係，我亦係好似以前咁，喺識嘅人面前(特別喺長輩)我就會有啲膽怯。但亦會嘗試。因為我知佢地唔會笑我，只喺會話我知較正確嘅講法。但我老豆唔係。我一開口，一講錯佢就鬧我，笑我。令到我唔想喺佢面前講!!!而且，若果我喺佢附近，佢就會監視我同人講野!!佢令我太唔自然喇!咁樣令我更易講錯!之後佢又要鬧我，打沉我。咁你叫我點!?!!??????另外，佢迫我學英文嘅方法太下賤喇!!!!!!!咁樣只會令本身對英文無興趣嘅我更討厭學英文!!!!!!!!
我媽叫我體諒佢。就好似之前我啊媽勁燥，控制唔到自己嘅果段時間，我對我媽咁嘅體諒。我真係做唔到!!!
果陣係因為我同你相處左十八年，果段時間，因為公公同婆婆嘅離世，再加上舅父們出現問題同你要做手術，導致荷爾濛失調。所以先會咁燥。所以我先會打從心底去體諒你，遷就你，希望可以幫助你，減輕你嘅負擔。我根本唔知原來我有同以前唔同。
係我媽同我講我果陣真係好體諒佢，即使佢亂發我脾氣我都好遷就佢，而且亦好幫佢。我先知原來係咁。果時，無論我媽點話我，我都唔會表現出我唔開心。亦唔會喺佢面前喊。只係有次番左去惠僑，見到老爸同啊哥，我因為頂唔住而喊左出黎。
果陣我真係好低谷。但我亦要死撐落去。笑住咁過日子。我以為我已經慣咗過啲忍耐，將啲唔開心嘅野埋喺心裡面嘅日子。
但原來唔係........我好想將所有野發洩晒出黎。但，無一個人、地方可以俾我安心咁做。
雖然有人係我想依賴嘅，但我亦因為唔知對方俾唔俾我咁依賴而無咁做。我真係唔係好知要點做喇.........
 | 
