2011-07-11

What a ____ing happy day

今朝補完課就出席班會舉辦既海灘游水+BBQ活動

今次係我參加過班會活動以來

搞得最最最成功既一次

真係個個都幾乎玩到癲晒，又無過火

個個都好開心，又無乜 argue

先講去程

今日我地起白沙灣坐船吹住風去三星灣海灘

又涼又舒服

去到海灘人又少，即時霸晒爐位 #good#

去到游水就爽，又涼、浮力又大 (不過 D 海水真係好_咸)

之後講下半節

下半節 BBQ

當時已經接近 6 點

起好晒爐頭，本來游緊水既就陸續上水燒野食

燒多一輪又落番水玩片石 / 游水 / 扔沙球

最後就係番番上去 BBQ -.-

去到夜晚 8 點

仲有唔少人繼續 BBQ 緊

我同幾個人就落水游夜水 (今次係我第一次去海灘游夜水)

特別要多謝 Owen 佢地借蛙鞋比我著！

對蛙鞋真係好掂，游幾游就已經游左好遠

好希望下次可以再同你地再黎游水！

夜晚 9 點

全體換好晒衫、沖好晒身，BBQ 果邊都執晒野

齊齊去番碼頭坐船走

走果陣勁驚，因為有雷暴

而周圍又無乜照明，附近一帶黑晒

我地坐船回程期間就係望住一片好黑既海景，望住一下又一下既閃電

真係嚇到我痴孖筋

番到屋企已經體力透支，但就過左十分開心既一日

Thank you all！

2011-07-06

非常開心既一日

首先朝早七點幾就執齊野去 MOS 游泳池同 Aaren Yan 游水

期間咁岩撞到 Samuel 同佢另外幾個 friend

結果我地總共五個人就一齊去游水

最癲果陣係起 0.9 米池度玩潑水

可能因為泳池當時少人，真係玩到好 high 好 high

玩到 10:30 左右就去大家樂食早餐

食完早餐之後， Samuel 就同其他朋友去做其他野

我同 Aaren Yan 就一齊去福安租單車

結果一踩就踩左去大埔海濱公園

之後再起海濱公園踩番去福安還車

中途，我地去左科學園買野飲同睇風景

再加上 Aaren Yan 分別起馬料水同埋科學園炒車

打破左佢 5 年唔炒車既記錄... sad

佢好似傷左腳同下巴.. 希望佢快 D 好返啦

踩完單車之後，我地去左 Aaren Yan 朋友起新港城既會所玩

又去佢朋友度上網同玩《跑Online》= =......

之後，我地就換番校服，去番學校睇中七畢業典禮

今次既畢業典禮比上年好好多，而且比上年感動得多...

今日我地真係玩得好開心，希望暑假就有時間比我地癲

癲完之後就要收拾心情準備 DSE...

2011-07-05

07:10

好緊張，就快派成績表

真係好唔想入果 D 死人增潤課程

只怪自己讀書讀得差... :(

前日踩單車踩到過晒火

成個背脊曬傷左，要不停搽膏

而家摸一摸都痛死

下次都係唔除衫踩大埔 / 粉嶺...

2011-07-03

嗯，去左粉嶺踩單車

臨返屋企整傷了

踩左咁多年單車，都未試過被支魚竿勾到成架單車反車

好彩隻左手護住個頭，如果唔係我既人生就係咁先

結果跌傷左手同右腳

不要緊，我很快沒事的

不好的一天

2011-06-30

今日小弟總共上左兩次台

第一次係比賽，第二次係表演

後來我發現我表演係認真過比賽

我唔係幾適合上台同人一較高下

我今次起台上係毫無準備

完全只係即興而唔用以往練習既技巧

但我上台果刻，心裡面只係諗緊一個人…