2011-06-27
哎呀... 救命呀，救命呀
到底呢間學校發生咩事
從尋日 Ms A Cheung 約我開 meeting 開始
我開始越黎越煩... 到底要點呀 !!
呢個禮拜我真係唔知要點過...
首先，A Cheung 起尋日既 meeting 話比我知
29 號星期三既名人講座，昂坪 360 CEO 會黎
到時 A Cheung 想邀請我起星期三上台做 live band 表演
好啦，咁我就預好時間起星期二下午就要 set 好晒 D 野上禮堂預備星期三既器材啦
但係因為我 band 隊果邊星期一、二都借左 band 房練星期四既音樂比賽裡面既比賽同表演一部份
後來中四亦都有一隊通知左我星期三會借用 band 房
咁我心諗弊啦，星期三個名人講座完左之後
就要拿拿林搬走晒 D 野番上 band 房
比中四既隊伍練星期四音樂比賽既決賽歌
後來，今朝 Ms A Cheung 再次請我落去 meeting
好震憾地聽到 A Cheung 好突然地向我講
" 聽日 (星期二) 要借 band 房黎做 rehearsal，要借 1 點至 5 點"
(佢之前既 meeting 從來無提到)
我聽完之後有少少遺憾啦
所以就決定忍痛取消星期二 band 隊既練習用黎做 rehearsal
戲肉︰Miss Chau 就起 meeting 期間經過
A Cheung 即刻截停左 Ms Chau
展開左一場極具火藥味既問答 (當時 A Cheung 既語氣真係嚇親我)
到底星期二既 rehearsal 既安排係點 ? 無提到
有乜野要搬 ? 需要幾多人幫手 ? 都無提到
就連 directing audio 部份既我都覺得好迷惘
只係得星期二，一日既時間起 band 房練
練得切咩...?
一波未停，一波又起
岩岩收到 Andrew Hou 既電話
原來 band 隊阿 Sir 星期二又要黎練埋星期四音樂比賽既表演部份
(睇到呢度，相信大家應該會覺得好亂，因為我都覺得而家好亂)
咁到底聽日星期二既安排係點呢 ?
到底係做一次講座 rehearsal、定係比 band 隊阿 Sir 練埋星期四音樂比賽既表演歌 ?
後日既安排又係點 ?
到底係搬番器材上三樓比中四隊伍練決賽歌、定係擺多一日禮堂準備星期四既音樂比賽 ?
點解呢個禮拜可以咁_多野煩架 ??
|
