唉，好心你啊，明知自已身體差就好好照顧自已嫁嘛……成日都病……見到都心[UP]喇真係……我唔係你媽咪，唔成日都可以照顧你嫁！所以你一定要好好照顧自已嫁嘛！真係啊！=]

我成日講野都好衰、好毒……咁係因為我唔識講野，唔知點表達我對你既心意，我唔敢講出來，話我有幾咁鍾意你、幾咁關心你。明明個心係咁樣想，但把口又唔衰得，死都要贏返個彩，係咁罵你、話你……但其實個心完全唔係咁樣想嫁！就好似今早你肯陪我返學，我真係好開心嫁！但就去到學校門口時，我唔想麻煩你，先衝口而出左句[吊HER鬼]出來嫁炸！但其實我真係好後悔咁樣講嫁！我真係無心嫁！

仲有，其實我成日都好想打俾你，但我爸爸、細佬又成日係隔離……搞到聊左一陣，我就CUT鬼你線……我成日打俾你時，都話係因為無聊先打俾你，但其實係因為我掛住你，但又唔想俾人聽到、唔想認、唔想覺得自已好似無左你就會死咁……慣左獨立既我，完全嚮往無拘無束，同時又好保守，所以成日唔俾你捉住我隻手，你會介意嘛？雖然我唔講，但我好鍾意用歌寄情，每SEND你一首歌，就代表一次我對你既心意、每同你提起一首歌，就代表我想你知道我現時既心意……

希望你唔好嫌棄我、嫌棄我把口、嫌棄我既奇怪思想、唔好嫌棄我對你既關心……你願意接受一個又野蠻、又唔可愛、又STUPID、把口又勁衰既我嘛？你會接受一個獨立到可以唔理自已BF既我嘛？

無論如何，都好多謝你，不論我對你幾差，你都仲係對我咁好……=]