完來我咁耐無打過BLOG = =

btw,今日開學就係人都知啦,

做過d咩?我唔直接同你講,

我用一篇潮文交代 :

講起我就扯火啦,
咁今日就唔知做乜野要番學,
番到去仲諗住睇下點開左個學佢,
點知就乜都無,得d人同埋間vitaland,
心諗,你拎走左間美利,成間學校咪唔美lor? :evil:
咁都算,最鬼衰就係變左間維他天地,
喂咁即係依家別無他選,買野飲一定係維他果d啦.
好咁算,見包檸檬茶比水多左d檸檬味,就飲住先,
點知佢又叫我地成班中學牛響個操場度罰企,
本來諗住比下面,聽下佢講乜野,
點知個阿叔又響度回帶,講返班無鬼用飛警,
唔講唔火,一講即火,
咁都算,之後返上去涼冷氣,
咁個miss又唔知搞乜話要調位,
明明我一早霸定個冷氣位,
依家又調左去個離冷氣鬼死咁遠既位,
咁都未算,後面仲坐左塊吉列 _ _ ,
搞到我響泥梗果個月個頭只可以作180度既活動,
如果我一望去後面我相信我個心臟好快會停止運作,就咁響2樓香左...
好彩隔泥都有個吹得下水既,雖然佢好靜
根注調完個位之後個老師就係咁塞d紙入我個袋度,
一睇,又唔係紅3魚又唔係金牛,就睇下前邊果個係咪都係得d廢紙,
呀,估唔到學校會咁公平wor,個個都係得一ja廢紙,
咁根住我無理啦.
個Miss又唔係唱歌又唔係講故仔咁,但係又up左好多野,
都唔知佢up乜,一舊舊咁,
聽完佢up之後又唔知做咩走番落去操場罰企,
企左5分鐘都無又唔知上hall度聽咩,
坐左陣,水又唔比吹,包又無個咬下,連野飲都無包,
今時今日咁既服務態度點得嫁,
於是就無聊到玩手指 :clown
咁等下等下就等到個校長同班miss阿sir走上個stage度坐,
咁個校長又好循例咁up下野咁,
咁又好循例咁introduce下d阿sir miss,
呀都唔知隔離班個miss係咪太過廢,唔識扣人分,
校長講講下竟然唔記得左introduce佢 [369]
起初我都無為意,因為我都唔知佢係老師,(係wor,佢上年好似教我煲西瓜嫁wor :roll: )
係後尾先諗起3E果個班主任無被介紹 8)
咁個校長又up多陣就拉哂成班miss同阿sir落番去staff room歎冷氣,
本來諗住走得,點知朝早回帶個叔叔又番我地響度,話講校虧wor banghead
咁我諗住佢係講下故仔姐,咪聽下lor,
呀佢d故真係悶到呢 xx(
咁我咪叫佢加甜lor,佢又唔肯加wor,
悶到我差d訓左教,
正當我就泥訓到既時候,佢又無啦啦講左句「拿要知道女仔套校服裙系透明ge。」
wa我即刻成個人彈起,
估唔到呢位叔叔既思想同某位教F.1中屎既老翁一擔擔 :?
就係呢一句,令我對呢位回帶叔叔失望 :(
等到1145,終於講完,
又唔知去返classroom做乜,
好心就比我地早d走啦,
不過見hall 返home room唔駛行留梯就算,
如果唔係我實扮肚痛
之後個miss又走番上泥,
咁快就叫我地投票話旅行去邊,
有d地方都唔知邊度泥,咁實無人揀啦
一到黃金海岸個choice,成班友訓醒左咁,
WA,撞鬼你班友lor,成24票 :evil:
心諗,你班窮友係去旅行就去遠d啦,
雖然果日都係屈響M記用wifi上網/搵個位對打NDS,
但都唔好成日屈響大西北呀大佬,
窮同無文化就唔再講,空氣又唔係好過人,
好彩石澳有成27票 :D
如果唔係真係死比你睇 :?
傾完就arm arm好夠鐘閃人,
成日話開學,但完全唔覺開過d咩,
又無響toilet度開大,到依家都唔知點解會叫開學 :?