今日係結業禮…拎完成績表之後係好開心~不過…開心都只不過係一時…到左下午…開心?完全消失左…

我下午返到學校學笛子.今日比上次好好多.因為今日比較多人.而阿sir都返左黎lu~

前幾首歌我都應付自如…但當到左後段…要吹從未學過ge歌曲時…就開始有d辛苦…因為我唔識吹.到最後.我完全跟唔上.只見同年紀ge人都識.我就覺得自己好蠢…最後我只係整手勢.不過就冇吹到.阿sir望住我.我都唔知俾咩反應好…

本應係放學啦.不過阿sir話吹長音.我都冇心情吹啦.係咁係到亂諗野.我強迫自己要忍住.但係最後我都係喊.d姐姐就走上黎安慰我………而阿sir就開玩笑話係隔離個男仔整喊我.

我好唔開心.因為我害怕我遲d會因為我唔識而放棄學笛子…我諗得好長遠.愈諗愈唔開心.

最後.阿sir叫我地放學.到長笛班上.

阿sir走過黎.坐係我前面.問我發生咩事.呢個時候.我反而喊得仲勁.

今日…我真係好唔開心.不過…我諗……笛子……只要我好好練習…就應該會好似哥哥姐姐吹得咁好…

我聽日一定要加把勁先得!

今日雖然係早放學.但我依然3:45pm返到學校學笛子.

我早早3:15pm就返到學校.人好少.少到可以數到.有好多校工來來回回咁做野.我企係110室到眺望.個天好藍.好靚.D風好舒服.

我一直企.企到唔知幾點.見到由學校門口入黎GE人好少.仲見到學笛子GE師兄.只見佢同一位男人行過黎.原來個男人係代嚴SIR.我好害怕.因為其他學員冇到.只有我一個女仔.同埋兩個男人(仔).

我心情不好.而且有D害羞.所以個SIR叫我吹.我都冇吹.其實佢好後生.睇落去得廿幾歲.佢坐係我面前.我自然唔敢吹.但佢以為我唔識吹.揀左好多首.我都搖頭.表示唔吹.而個師兄就企係我隔離.不斷話:小麗.你吹啦.兩個男人(仔)係我隔離.我好唔自然.拖延多好耐.我因冇心情而放低笛子走出課室.佢地兩個都冇我乎.

我見到有D哥哥姐姐依家先放學.佢地一定好攰.我來來回回走出課室有幾次.最後我仲係課室到訓覺.我根本冇練到笛子.頂多都係練左一首就冇吹啦.

一知道放學.我就急急腳執野走人.白白浪費左1個鍾.個阿SIR仲以為我發脾氣.可能因為我成日冇講野掛.

行得太快啦.所以搞到胃痛.返到屋企.我諗到一句:

[只想要見你]

今日有個[國情教育]社際問答比賽.而我~緊係有參加啦~

我都一直好擔心自己得唔得.因為我都係琴日先黎溫.我溫ge係最容易ge C部分.

本身係第一個環節我地愛社係包尾.後黎第二個環節.又答岩左問題.所以係第一.可惜.最後果個環節令到我地尾二.我都好傷心呀!

初級組.愛社得360分.點知.又扣多左20分.我就更加唔高興.

跟住我就有D嬲嬲地.就同屬於忠社GE AMY講:勁啦你地~我地愛社得包尾!跟住佢又駁返我.愈講愈過份.根本就冇佢講GE果件事.佢仲愈講愈離譜.好似係到鬧我咁喎~!跟住我就更加嬲.佢就俾我駁到冇野講.

其實每個人係唔悶心GE時候都想有人安慰.但點知.我反而俾人鬧返轉頭.而我頭先講GE:勁啦你地!係我地班上.係人都識講啦.佢做乜遍遍要鬧我喎!人地我都已經盡左力啦.一句安慰GE說話都冇.好過份姐!哼!

不過最後都因為高級組為我地愛社爭番口氣!所以.我心情都好左好多.