今日好happy呀~!
首先.我同大家姐神早流流就起左身去飲茶.一去.就去左3個幾鍾.
跟住我地三姊妹就係屋企.媽媽出左荃灣.話打麻雀.俾左d錢我地買衫.
我地本身打算去葵芳.但媽媽又無啦啦打電話俾姐姐.話佢唔打麻雀.我地一齊去買衫.
跟住我地就同阿娘(即係我爸爸個哥哥個老婆)一齊行左行荃灣.跟住又搭地鐵去葵芳.
我地行左好耐.好多收獲!三姊妹都有!
跟住我地又見肚餓.就去左小雨天食!阿娘都話好味!
媽媽同阿娘早我地1個鍾返屋企.因為我要再買褲同買鞋.
我地係7:00pm先返到屋企.爸爸話出街食飯~慶祝唔知乜鬼個ge咩啦!我都唔清楚!
不過我都淨係食餸咋!都有d飽飽地.爸爸竟然俾我地三姊妹飲啤酒tim~最後食埋生果同糖水.哇~個肚…脹到…
返到屋企緊係未沖涼啦~睇左一陣電視咁啦~
今日真係真係好happy/－ －
各位~多謝你地觀賞我ge日記!好啦~我係時候沖涼啦!^^ |
