同你一齊真係好辛苦
因為要同人分享你
可能你真係唔知女人真係唔鐘意
唔鐘意同人分享自己既男人
今日你同我講
你前排有一日忍唔住同佢上左
我聽完之後我真係好唔開心
而且我亦都唔會再比你掂我
因為你一直都同我講你唔會再掂佢
但係.......
原來真係冇邊隻猫會唔食魚GAR
包括你...
可以我真係對你冇左信心掛
亦都可能我以前太過盲目咁愛你喇
依加既我
已經唔會GRA LA!
因為我已經再唔信你喇
好多野都係你自己做成GAR
我對你好
你一直都唔去珍惜
因為我真係寵壞左你
其實我真係好傻
不過呢個傻人
終於清醒喇
佢唔會再對你好GAR LA
唔係佢有左第二個
而係....
佢對你真係死心!
冇得再改變

我終於學識左如果放低
同你一齊左八個幾月
你對我係點
我諗我自己好清楚
根本你有幾愛我
我相信只有你自己先會知
就當我感受唔到喇!
同你拍拖要講條件
咩都係你為先
而我呢?!
你又有幾多係以我為先呢?!
我諗係冇囉
人地一個電話打比你
你就立即走人
而我呢?!
咩都係等下先
我等得你幾多呀?!
我等左你八個月喇!
你一直叫我比時間你
我足足比左你八個幾月你
你又比左我d咩既答案呢?!
依加你同我講你介意我肥要我減
其實你想飛我
唔好去搵借口喇!
我唔再需要你陪我去邊
去睇D咩,亦都唔需要你去見我婆婆喇!
根本你就係唔會
我都唔知點解我要為左你去對屋企人講大話
我諗我唔再需要你陪我去見婆婆喇!
既然每一次要對佢老人家講大話
不如我對佢講我地分左手喇!
咁佢老人家就唔會再問喇!
一來你都唔洗辛苦
我都唔洗再講大話喇!
我感覺咁樣都對大家好好多!

今日我問你知唔知hk有櫻花
你答我知
我同你講係長洲有得睇
你就答我
等我瘦左你就會同我去睇
其實你根本就係介意
我真係唔係好明白
我唔明白
你點解要咁囉!~
你鐘意我d咩呢
同我一齊第一日
你已經知我係咁gar la!
但係......
點解你重要介意呢?!
如果我真係瘦唔到
你係唔係呢一世都唔會同我出街呀?!
我真係唔明白囉!~
你係鐘意我
定係愛我呢?!

今日我同你又講到喊喇!~
可能我對住你
真係好快變成一個大喊包
因為原來自己對住你
真係會變得特別軟弱gar
就連我自己都唔係好知呀!
可以就係我想搵個人比我嗲下掛
而且你係老公
所以我真係好想嗲你囉!~
其實原來你真係唔知我諗咩
亦都唔明白我每個月21號送禮物比你
你咩意思.......
你真係唔掂呀!~
老公!~
你知唔知我真係好想
每個月既21號你都會係我身邊
你明唔明呀!~
豬!!!!!
你對我好d喇!~
你知唔知我真係好怕會冇左你呀!
可能你真係唔明白
你係我心目中有幾重要
可能你唔會明la!~
我真係好希望有一日我可以同你手拖手
去行街你又明唔明呀?!

今日係我第一日返新工呀
老公豬豬就好乖乖咁
唔洗我叫就起左身
出門口重好叻叻打比老婆仔
之後你亦都打左好多電話比我
真係好開心呀!
老公!~
如果你日日都係咁就好喇!~
因為豬豬你個愛人
真係好想你同好需要你對我既關心gar
有你既關心
好多野都會變得更美好
因為我真係好需要你
或許
你會覺得我好似好堅強
但係.......
我可以同你講
我都有我軟弱既一面
你知唔知呀!
所以
既然你覺得我好時
你就要識去珍惜
同多d理下我喇!~
因為我真係好需要你gar