今日係端午節既補假!
不過你個大頭蝦就.........
以為我要返工
重打電話黎未問我放工未
真係比你激死呀
你今日工作好忙
忙到死
忙到發我脾四
真係比你激到我死
之後個人就嬲嬲地
落左街買左盒三文魚食
真係美味!

今日我個人攰到唔知點
之後你十一點幾打黎
哈哈!~嘈醒左我
之後我就冇再訓了!
今年好特別呀!
第一年端午節冇糭食
哈哈!
我就好怕糭既
因為年年阿婆都會包好多糭
次次都要拎好多返屋企
完全係令我怕曬囉
今年竟然冇WOR
真係有D唔慣
不過點都好喇
最緊要係有假放
同有茶飲
唔知下年既端午
我重係唔係同你一齊呢?
你又會唔會去見我屋企人呢?!

今日黑雨呀!~
佢繼續都係留係你屋企
你今日day off呀
佢都係可以陪你去街
而我呢?!
完全冇一日可以同你去街
其實我真係好想有一天可以同你去街
不過我諗都冇咩機會了
依加既我開始想放棄呢一段感情
以後既日子........
你鐘意理我又好
唔理我都好喇
都已經冇所謂了
我決定左....
以後既日子我由你了
你鐘意點都好喇
我都唔會再去管了
我唔係想分手
而係......
我對你真係死心

今日佢然留你係屋企陪你
我已經冇說話再講了
我好想一個人靜下
好好諗淸楚自己係唔係
應該繼續同你一起
我真係好辛苦
我快不能支持下去

今日你個所謂女友又上左黎
我真係覺得呢個女人真係好怪
好似冇屋企咁
日日都走上黎訓
真係好討厭囉!~
如果比起我.......
我一定唔會日日上去訓喇
真係好憎呢d人囉
可惜呀!
你完全唔會話佢
鬧佢都唔會呀!
而我呢?!
你正係識鬧我同怪我
我真係唔再重要了
你對佢既態度
比我好幾多呀
我都唔知可以講d咩囉
我唔係唔信你
而係你所做既野
好難去叫我信你呀
我對你已經冇左個信心了