今日係4月2,,,3個月前既今日係我同老婆係埋一齊既日子,但係3個月後既今日就係我地分手既日子....
今朝我考緊mock果陣你同我講散....我睇完之後已經無哂心機考喇...拿拿臨做埋題商業就早走算喇....唔想係學校喊....但其實已經有一兩滴眼淚滴左落份卷到了....
放左學同marco仔同埋兩個同學行左陣屯市,先番屋企,番到屋企換左衫就同卓燃落樓下食野,因為佢今日咁岩過黎搵佢阿媽整野,食完野就一齊搭車出左去屯市整野,但係整左成個鐘最後都係搞唔掂..跟住我就同卓燃去左新墟neway喇,因為約左個卓燃個fd一齊唱k....初初得3個人好悶,所以我叫埋江江黎,入到k房..江江同卓燃知我失戀...兩條友係到玩野邊首唔係傷心情歌就唔點....有d歌詞係講失戀既就對住我黎唱....最後唱到4點就走喇..唱完之後卓燃個fd要去剪頭髮,等緊佢個fd果陣老婆打電話比我..傾左好多野傾到我喊埋...之後我唔想係條街到喊就話番到屋企先打比老婆...跟住我地3個就等到76接埋佢女友就5個係到行啦,之後話去睇戲....7點半先入場,就去左食野喇....入到場我睇到一半可能因為喊完隻眼好攰好乾睇睇下就訓著左.....套新宿事件就睇一半唔知一半了...睇完之後7燃個fd就趕住番屋企我地就送左佢番屋企啦...之後就得番我地4條友係岩岩送完果條友番屋企既樓下係到吹水,跟住76條女番屋企架車黎到就上車,之後我地3個就係果到買左d野食先番屋企....
P.S,老婆:原來呢我連你之前個男朋友都比不上....佢日日同你嘈架,你都可以心軟同番佢係埋一齊,但係我就唔可以....你對每一個人都係心軟就只有對我係硬起心腸....我每日都盡我最大既努力黎氹你開心,,,,就算你話我無聊話我白痴我都繼續去氹你開心,去令到你笑....當我知道左糖可以令到你好開心既時候我真係好想去買好多好多糖比你食,等你可以無時無刻都咁開心...我本黎就係今日去買好多好多糖等你復活節黎幫我補習果陣,我可以一次過扲哂出黎,等你可以好開心...點知你今日同我講d咁既野.....你一直都唔肯信我,你係對我黎講係最重要...我為左你可以放棄我拍咁多次拖都唔會放棄既野....(籃球同埋打機)...你一直都覺得籃球對我先係最重要....我想同你講如果要係你同籃球之間揀一樣既話,我可以好肯定答你,我諗都完全唔會諗,我一定會揀你....你今日只係同我講你無啦啦唔鍾意我就要同我散,我問極你點解會無啦啦係咁,你始終都係同我講無野,我覺得唔係真係因為無啦啦唔鍾意咁簡單...但係我真係唔明點解你係都唔肯同我講.....唔通一個真心鍾意你既人唔值得你去為左我而去維繫我地之間既感情???我地一齊既呢3個月大家所經歷過既野真係可以話無哂就無哂??大家一齊笑過一齊喊過一齊痛過(心痛)...一齊諗過點樣可以幫你擺脫個賤男......唔通就係因為一句唔鍾意就大家3個月所經歷既就通通都無哂?一種只係泛現左2日既感覺就可以替代左大家一齊3個月既經歷??我真係好唔明........ |
