嘩!~~~

救命!~~~

我都唔知幾耐冇試過6點幾就起身=.=

吓?!

做咩??

咪就係要入果個玩成15日既軍訓LO =V=

簡直係攞我命!~ T.T

因為鄭進住係我屋企樓下既緣故,

所以我地就約埋一齊行喇。

原本就諗住約埋芳穎架,

不過佢住係長發,

所以唔岩路......

我地6:45就出咗門口喇,

我地搭巴士出去,

點知個司機佢玩飛站...

搞到我地要行成個站...=.=(簡直就出師不利

行吓行吓,竟然比我地遇到係地鐵站岩岩行出泥既芳穎=.=(真係約都冇咁岩

咁我地就一齊行喇。

行吓又行吓,

鄭進話佢肚痛,

要搵地方去解決= =

喧我地就陪佢去搵洗手間喇!~

我地行咗幾條街先搵到間M記,

點知....

勁噁心,

上面仲有X 架!!

所以就冇去到。

我地又再行咗4 5 條街,

終於都搵到果間難搵到死既打歪學校。= =

入到去我地就分班掛喇。

一排就咗大半個鐘大多......(太陽勁猛!勁熱LO!

之後我地就分班上車喇!

架車行咗幾步之後突然停咗,

原來係果個咩董太(董健華夫人)要上泥講幾句嘢=.="(一講就成個字有多

去軍營要坐成個鐘頭車......

好釆比我識到個FD 叫呀夆。

有佢我先唔會悶死咋...

我記得我第一句同佢講既嘢係:

「同學,乜你唔熱既咩?」(因為佢D 頭髮好長架

佢就答咗我一句:

「熱!非常熱!」

我地傾咗半個鐘左右,

佢就訓咗喇...

係果一刻我發覺原來架車真係好好好寧靜,

可能係大家都唔識大家,

同埋大家都好早起身啦,

所以好多人都訓咗。

我地搭咗成個鐘車終於都到咗軍營喇。

又係勁猛太陽啦!

我地仲要係果個完全冇遮冇掩既大閱兵場度集合。

一企就廿幾分鐘=.=(D 汗喪滴...

不過果時我發現營入面既兵哥兵姐都係好令仔令女!!

之後我地分成兩班,

去到自己所屬既排房(生活既地方),

開始試吓自己D　杉　褲　鞋　岩唔岩。

因為之前度過身，

所以我只係得對鞋大咗少少。

佢地勁快就換到比我！

真係超快!

之後我地就去咗食飯喇。

形式係自助餐!

入面只有3 個規舉

1)唔可以講嘢

2)要食得快

3)食完要自己洗嘢

除咗第一條之外我都做得好好!

哈哈!~

不過可能D 人都係唔識既緣故,

所以飯堂入面都係非常寧靜。

之後我地就番到排房做指定動作,

自我介紹。

13個人

泥自13間唔同既學校。=.=

班長:褚煜       泥自江蘇

班副:李全鵬   泥自湖北

之後就係午休時間,

有成個半鐘!

正~

好多人都用泥訓教,

不過我hea咗一陣就唔覺攰,

大約hea咗廿分鐘到啦!

之後既時間就勁無聊,

又冇嘢做=.=

我仲成日問人地,

夠鐘未?幾點?

午休時間終於都過去喇!~

之後我地就拎住人人都有一張既小木櫈(板櫈)

去咗排房下面既空地度集合。

終於見到我地既排長

朱安寧中尉。(都係出奇地令仔

我地學咗D 基本既隊列動作:

口令:1   豉油蛋治!~

        2    登登!~

我搞咗好耐先明係咩嘢= =

係:1   向右看齊!~

     2    立正!~

(死未?)

搞咗一大輪之後我地就去咗大閱兵場度集合,

搞開營典禮既練習!

勁熱!!!!!!!!

不過,D 解放軍哥哥姐姐都好好人,

仲成日好細心咁不斷問我地有冇唔舒適?

有時問到我地都覺得有D 煩=.=

搞咗幾個鐘,

終於都有得走,

去食飯=.=  正!~

食完飯又要再練過=.=

我地又要番去排房拎嘢,

大家都好趕!

唔知係咪尼個原因,

呀健生哥唔小心就撞咗落個電箱隻角度!

D 血把把聲咁流!!

之後佢就比人送去醫療室,

就係尼個時候!

我既胃病又發作!

我都一齊去埋醫療室=.=

我地等到7 點鐘,

因為7 點鐘先有醫生係度。

佢開咗隻藥比我,

食咗之後就冇咩事喇^.^

不過健生就要入醫院=.=

之後我就番到去大閱兵場度,

繼續練習喇=.=

我地練到9:15分,

終於都可以走,

番去沖涼。

6個浴室,

33個人一齊用!!!!

等到想死!~

沖完涼之後成個人都爽哂!~

個人開心哂!~

番到排房學掛蚊帳,

因為佢地一定要我地掛蚊帳。

掛咗蚊帳既床,

即刻熱咗勁多!~~

不過好采我個人就唔係好怕熱,

個風扇又吹到我正一正!~

哈哈!~

因為我太攰喇!~

SO 好快就訓咗!~

就咁就過咗一日!~

唔知點解,

尼晚既我特別掛住你,

特別想見到你....