琴晚探老豆果陣  佢成日都話d醫護人員害佢

佢自已做完手術   d喉唔插得走架嘛

成日都話d喉好阻住佢  自已用手整走佢  咁d姑娘咪綁住佢隻手唔比佢羅走d喉囉

咁佢覺得綁住佢好似有心整死佢咁

成日都叫啊媽打999拉d醫護人員

真係無佢咁好氣呀  明知做完手術   會插好多喉架嘛  佢係要解開佢  d姑娘先咁做姐  佢又話唔聽

所以我地睇佢果陣先同佢解一解d繩   唉

咁我老豆又無食醫院d飯  叫我落地下到買粥

咁我1出到門口   見到有個3,4歲既細路  係到  佢一見到我就叫:唔該  可唔可以睇一睇我呀?

我話:做乜睇住你呀?你啊媽呢?

佢:佢入左去睇我啊爸呀  無人睇住我  佢話叫搵人睇住我喎

我:咁都得既  咁你坐係果張(登)到先啦

佢:我想去廁所呀 

我:好啦  我帶你去啦  

我:你入去男廁`啦 

佢:我啊媽話我咁細個可以比我入女廁架喎

我:咁呀  咁你入女廁啦   我入去等你啦

入完之後  佢洗手啦   洗完手之後同佢就出返去行返病房門口果陣

係條長走廊果到我見到1個男人坐左係到  咁我又要買粥比老豆食  所以我就叫個男人可唔可以睇一睇佢

男:咁你去€幾耐架?

我:唔係呀  佢啊媽入左病房睇佢老豆  無人睇住佢 所以要人睇一睇佢呀  我又要趕住買粥比老豆食  所以麻煩你幫手睇一睇呀

男:即係佢無人睇住?

我:係呀 

男:好啦  細路  咁你坐係到啦

之後我就走左落去買粥  返上黎已經唔見左個細路了

睇左老豆1陣我家姐就黎到啦 

佢又係家姐面前講d醫院人員點對佢想傷佢咁

家姐又同佢講 :點會害你姐  成日都話有人害你  你唔好再整d喉咪會好快好返囉

再睇多佢1陣我地就走左了

可能我老豆成世人都未入過醫院

所以見到d醫院人員咁對佢  好唔慣  所以先咁姐  唉