成日都聽人講   搵1個自已鐘意而對方又鐘意你既人   係我世界入面係無架

玩我就大把   真心既10隻手指已經數得哂

真心愛我既唔係無   只係我唔鐘意

人就係咁

自已唔鐘意果d人  比我感覺對方好討厭  唔想佢追我   但人地既條件又唔差架啵   仲好多女仔追添  

當我鐘意第2d男人既時侯   人地又玩我   只係當我性玩具

唔通我自已眼角真係高?  又唔係呀   可能係我問題

我可能唔係咁鐘意比追果種感覺  唔知點咁   好唔自然

但我遇到我自已鐘意既男人既時侯   反而我又會主動約佢出街咁   真奇怪

鐘意我d男士   雖然已經過左去而且拒絕左   但諗返起   如果當初接受左人地  我諗會唔會好幸福呢?

但如果佢又當我係玩具咁玩   我咪衰?

我唔敢想像  

我睇過唔小其他好多論壇既愛情信箱    實在有太多人離離合合  搵到自已既例1伴到最後都要分開

當兩個人拍拖   放感情落對方到既時侯   比對方傷害你   個心會好痛

因為我真係試過1次   個心真係好痛   唔知點型容  果種痛  好似有1個鎚仔打落黎咁

痛到唔想去面對現實   去逃避

結果都係要結束   我依家先明白  當真感情放哂落愛情到   分開真係會心痛

果次失敗之後  我話過   唔會再放任何感情係愛情到

就算拍都唔會放哂落去   只有10分之一咁上下

或者我真係唔識拍拖   我諗人大左   仲想係愛情上得到多d男人既愛護同關心

所以一錯再錯

可能上天話比我知   愛情仲未到你身上   應該順其自然會比較好

太心急去搵戀愛   只會一敗塗地