| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 10 月 26 日 星期五  |
| 2007-10-22∼2007-10-26 |
分類: 未分類 |
唉!成個禮拜都無寫過日記!我覺得日日寫日記係一個鍛鍊自己有恆心的方法!
2007-10-22
Chem堂做實驗, 今次做得唔係幾好, 唔太滿意, 希望出黎o既result唔會好差啦!
第二堂Chem之前,社工楊姑娘黎到lab同我地講解o下抑鬱病o既知識, 同教我地
點樣同有情緒問題o既人相處,學到好多o野,希望方俊傑可早日好番啦!
2007-10-23
今日PE堂第一次跳舞,其實我到而家都唔知我要跳咩舞,聽人講話跳"牛仔"o窩!
因為男仔D舞步都唔係太難,所以我好容易跟上,跳足成堂,越跳越起勁,而且D音樂
又好輕快同有節奏,真係當減肥舞跳都得呀!不過跳完之後真係OK玪o架!但好開心!
2007-10-24
今日special school time,話o甘快就一堂lu~~~~成個人都好有精神,好快就
放學了!番到屋企之後,即刻大o訓一番 ,半日o既假期,好正呀!但成日咩都無做過,
連bio lab report仲未開次做o忝!
2007-10-25
今日係學校o既特別假期,但我無得放假,因為我要為我o既lab report努力!!
因為俾一條數"kick"住,所以由早上9點做到凌晨1點半,但都係未搞掂,惟有留番聽日做
啦!好晏o訓呀!!!!!!!!!!!!!!!!!!!!!
2007-10-26
今朝繼續為lab repor而奮鬥,做到食晏個陣終於做完啦,但都係最後一個交!!!
今日成日都好忙, 已經煩緊個reporto架啦, 之後仲要無端端代崗--無奈!!!!
園藝組今日要幫手移植一D我都唔知係咩o既植物,都係一個新o既體驗!但做到一陣
就要走了,因為要當值今日成日都好似好心不在焉o甘,可能因為 lab report 久久不能完成啦!
又到星期五啦, 又可以抖番兩日啦! Yeah!
|
| 2007 年 10 月 21 日 星期日 |
| 2007-10-21 |
分類: 未分類 |
今朝特登好早起身,希望可以同亞爸去到樓下一間抵食o既茶樓去飲早茶,點知早極都唔夠一班耆英,佢地一早
就已經佔據o左個度,最後逼到我要去大家樂食,o黎o黎去去都係果D配搭,食到我厭晒!!!而且D o野食又貴o窩,
真係好唔抵!!!!
返到屋企,媽咪同我講話有個同學铜我,我心諗邊個會o甘早铜我呢?Check o番我個手提,原來係何老傑!!!
佢原本諗著約我食早餐,但係我就.........之後約o左下晝出黎"行街",但原來呢個係一個局,行街只係藉口同
掩飾,出黎打網球先至係真o既,結果一共打o左兩個鐘頭!! 雖然好辛苦,但係我地兩個都好開心!!!
五點幾先o番到屋企,因為實在太玪啦 ,所以食完晚飯之後o訓o左一陣希望今晚o訓得著啦!
一個頗長o既假期(5日)話o甘快就放完,聽日又要繼續搏殺了!不過一諗到Peter聽朝六點幾就返到o黎香港,
又再可以一齊返學,上堂,就好期待了!!!! |
| 2007 年 10 月 20 日 星期六 |
| 2007-10-19(重陽節)∼2007-10-20 |
分類: 未分類 |
2007-10-19
重陽節一早就起身啦!之後走o左去剪頭髮,今次剪得麻麻地,不過算啦最緊要舒服,通爽!
無咩o野做,結果成日都鮏晒o黎做功課,o個本Integration做o左一陣就搞掂,但係中化o個三條題目就搞足我
成日,望住條題目,都唔知從何入手,辛好最後都順利完成,好彩我家姐o個D中化書仲keep住o者!晏晝o個陣
無端端o訓o左3個鐘,呢日都算幾舒服呀!!!
2007-10-20
一早就起身啦!之後約o左何老傑出街,食早餐,行街睇printer(陪佢),好開心o既上晝,自從開o左學之後,大家都各
有各忙,實在少見o左好多,真係好懷念以前o既日子呀!之後返學校上主日學,然後補習,返o番屋企食飯之後,就開始
溫Physics(好耐都無溫過啦!)o甘就過o左一日了!
唉!仲未做 bio lab report o忝! 點算呀!?
|
| 2007 年 10 月 18 日 星期四 |
| 2007-10-18 (陸運會的第二日) |
分類: 未分類 |
今日好開心呀!我地6B鮏o左預科級o既總冠軍同埋全場總冠軍,實在太棒了!! 令我諗番起上年5E,我地又係鮏晒
兩個獎,真係好鬼勁呀!!!!而且班際4乘100男女接力又係我地包辦埋,簡直係屈晒肌啦!!沒辦法啦,鬼叫我地o甘勁
咩!!!!!!!
雖然係好開心,但係我好似提唔起勁o甘,唔似得其他同學o甘o甘high,o甘興奮 ,總之就覺得好似無咩o野o甘
啦!!我都唔知點解,可能我係一D情緒變化唔大o既人啦!!
話o甘快就過o左兩日,唉!又要收拾心情,繼續做功課了!!!! |
| 2007 年 10 月 17 日 星期三 |
| 2007-10-17 (陸運會的第一日) |
分類: 未分類 |
今日實在太玪啦!!!玪到唔知點形容!!今日一口氣完成三項賽事---擲鐵餅,推鉛球同千五米,所以聽日
咩都唔駛做,剩係齋坐,prefect又唔駛當值,實在太正啦!不過成日坐係看台都幾悶o架!!!
係度我要恭喜春卷同靚仔分別鮏到千五米o既冠軍同季軍,同埋其他鮏到獎o既同學,你地係6Bo既驕傲!!
彭春權,請你唔好覺得我好似唔想你好o甘啦,其實我一聽到你鮏o左金牌同埋破紀錄個陣,我真好開心o架!!
你係我o既好朋友,你掂o左,我梗係替你高興o架啦!!! 我點會唔想你好o著!可能我今日實在太玪,無咩表
情,你先以為我唔鍾意你o著!希望聽日你三千可以奪金兼破紀錄啦!加油呀!Osh!!
講o番我今日o既比賽先,擲鐵餅同推鉛球都不過不失啦!其實我都係志在參與o既o著!!但千五米就唔係太滿
意啦!因為我竟然上o左岸!!!!!參加o左o甘多年陸運會,都係第一次o甘做架o架!!!好似無咩體育精神,
但係我實在跑唔落去啦,所以係最後三百米,我決定上岸(非常唔願意的o既情況下)!呢次,實在係我o既運動
生涯上o既一個污點!!!!!
今日prefect當值都幾舒服呀!!!尤其係控制室入面,個個prefect都有講有笑,好快就過o左一日啦!!!
今晚要早D o訓,抖足精神,去迎接第二日o既陸運會!!!!!!!Yes!!不過,一諗起仲有o甘多功科未做,就好煩啦!!
唉!都係唔好諗啦!!過埋聽日先算啦~!!因為Mr.Leung講過:Athletic meet is a time for us to enjoy!! |
|
