計落又好似有成個月冇打日記，冇睇日記。。。

點解呢？真係好忙？ 我又覺得未到『好』li個程度。

自從返clc後開始由朝『工作』到晚，慣左夜膳，慣左夜訓。。

而家，由朝食到晚，一起身就食，搭車又食，訓前又食，

結果“性感小肚腩”又出唻啦~

返clc真係唔多開心，雞雞話我壓力大，化悲憤為食量就搞到咁。

成日開住部電腦，都唔知做咩好，聽歌又話咁就聽晒，打日記又唔知打咩好。。

真係冇野好做？我總覺得自己好空，個心好空個腦好空。。

朝早返學，放學唔係即刻返工就係趕住補習，每日生活如是，感覺有點無聊。。

joan都問點解我要搞自己咁辛苦呢？係喎，點解呢？我都冇諗過li個問題tim。

累了！累了。從未感覺過的身心都很疲累。。

每日較好鬧鐘要準時起身返學但鬧鐘一響就好想打鬼爛佢，繼續狂訓

就係咁今年多左走堂甚至影都唔見。。

變了！變了。從前就算要大清早6點起身都會堅持要返學。

而家唔想返唔想諗，最好乜都唔使做，淨係俾我好好ge訓一覺。

但願我可以返以前ge我~