星期日我地又一早起身，拿拿林刷牙洗面，換衫就出門。
我地一早plan好今日行程，包括幾點起身，出門，搭車，到達。。
去ok入完八達通，準備搭車
雞 "要唔要買早餐食?"
龜 "就快夠鐘啦~ 頭先又唔買埋?!"
雞 "你都冇安排時間食早餐"
龜 " 要安排ge咩?! 不嬲都係一路搭車一路食"
又行返轉頭買早餐。。
去到bus stop 一班人係58x排隊，無啦啦有架巴士開走，
以為係58m啦，原來係58x!!!!
個司機見到咁大班人係度排隊都唔理我地照開車走左去!!!!!!
即刻咩心情都冇晒好嬲 !!!! 想打電話去投訴，肥雞又話打左去都係冇人理ga啦
今日開開心心去玩唔好嬲啦。
我地搭車出長沙灣轉171去ocean park
去到。。。9點。。。
龜 " 佢好似10點先開門==" "   雞 " 等一陣law" 佢去買飛

好彩~~~佢9點3就開始俾人入去先~
我地第一站就係去睇可愛熊貓~~

安安佳佳坐係度等食，盈盈樂樂就。。係樹訓覺。。
之後我地搭纜車去睇肥雞好愛的水母同埋海洋館~~
開心ge時間過得真係快，嚇死肥雞之旅馬上開始~~~~
我地玩最濕碎ge 韆鞦，事關佢畏高，玩完已經死左10%
跟住就係海盜船，嚇死度達50%，第二次玩ga啦。。
諗住翻天飛鷹會冇事，點知。。。
剛好11點幾可以去睇海洋劇場~~  雖然睇左3次都係咁好睇
d 海豚都係咁得意~~
抖完又去玩滑浪飛船，事關唔太多人，玩左兩次~~~
濕完身梗係要吹返乾佢，最方便快捷---玩越礦飛車~~~~
嚇死度足95%!!!!! hahaha~~ 玩完肥雞已經嚇死左~~~

雞 "都唔知點解上次會同你地一齊玩?!"
上次佢KAI到全程擘大眼，望住架車衝落斜。。
我玩左咁多次都未敢喔。。
諗住過山玩埋威威至激之旅，肥雞未玩過，點知佢裝修緊要換片啦~
時間剛好3點3有得睇雀鳥劇場，D 鸚鵡好得意好靚~~~

我地諗住玩旋轉木馬，點知。。佢變左做旋轉熊貓。。SHIT !!!!
人地木馬慢慢轉，佢變左做 "極速旋轉熊貓"。。我地仲玩埋低B摩天輪

雞 " 點解有大摩天輪唔玩，走唻同小朋友爭野玩==" "
咩都冇得玩，心情一DOWN，肥雞話陪我過山玩多次飛船
我呃左佢去玩海盜船先再玩飛船~ kukukuku~
今日抵晒啦~由開門玩到閂門~~
返到屋企成個散晒~