今日我地唔係去hiking,而係去sight seeing

單車團

 一個已籌備一星期
耗資80$既大搞作

"騏樂之旅"

今日開始了

by"MarCKO

夏日涉峯遠足活動　之　第二擊

涉峯日期:２００７年７月１４日(星期六)

集合地點:太和地鐵站A出口

集合時間:０９：００

涉峯路線:太和→九龍坑山→沙羅洞→屏風山→黃嶺→八仙嶺→大尾篤

路程大約所需時間:６ H

當日天氣預報:２８－３３ｃ　陽光充沛，天氣炎熱。

難度:★★★★☆

參加者 - 同行者需請聯絡92488468（樂）或留言，以便安排。

  樂，鍵

注意！！

• 愛護大自然之一切。
• 結伴同行,互相照顧支持。
• 自備足夠食水，食物，少量個人藥物。
• 建議穿著適合戶外活動用的舒適衣服和鞋襪，避免牛仔褲，多備衣物方便更換
• 如當日天氣產生特變，如三號風球或暴雨，活動將消失。
• 如覺身體不適，請量力而為。
• 涉峯乃專為中學生而設之遠足團體,謝絕中老年前輩。

夏日涉峯遠足隊之活動

涉峯遠足隊重要事項！！

這是一個非一般的夏天，

由非一般的我們去創造，

涉峯要革命性的回復朝氣，

就要由充滿朝氣的我們去創造，

大遠足的實行將於晴天的出現而出發，

作為負責人，

我希望提供不同程度，不同區域，不同樂趣

的遠足路線以作參考，受歡迎之路線將會

成為本個暑期既涉峯路線。

★☆☆☆☆：平坦易行，適合任何初行者或體能不佳之人士

★★☆☆☆：易行，路程為一星路程較長及費力

★★★☆☆：正常涉峯之路程，有中量起伏的路，需一定體力

★★★★☆：難行，頗費力或起伏不斷，需大量的體力，可能穿插不明顯叢林

★★★★★：極難行，極費體力，需大量體力以及毅力，不適合體能較差之人士

　　　　　　可能穿插不明顯叢林，需作好心理及體能準備

以下係涉峯遠足隊可能於暑期間涉走既路線：

西頁區：

• 海下→大灘郊遊徑→黃石→赤徑→北潭凹★★☆☆☆推薦
• 麥理浩夫人渡假村→鹿湖郊遊徑→西灣山→浪茄→西頁萬宜路→北澤涌★★★★☆
• 西灣亭→鹹田→蚺蛇尖→赤徑→北澤凹★★★★★
• 英烈紀念碑→長山→雷打石→畫眉山→岩頭山→牛耳石山→北澤凹★★★★☆

九龍東區：

• 清水灣道→上洋山→下洋山→釣魚翁→蝦山篤→清水灣二灘★★★☆☆推薦
• 麥理浩徑４段→沙田坳道★★★☆☆ 
• 馬鞍山村→吊手岩→牛押山→馬鞍山→大金鍾→麥理浩理４段★★★★★

大嶼山區：

• 黃龍抗郊遊徑→雙東坳→南山→十塱舊村→具澳★★★☆☆
• 石壁水塘→中狗牙嶺→狗牙嶺→鳳凰山→伯公坳★★★★☆
• 大澳→二澳→根頭坳→煎魚灣→分流村→石壁★★☆☆☆推薦

離島區：

• （東平洲）東平洲環島郊遊徑★★☆☆☆強烈推薦
• （南丫島）索罟灣→南丫島家樂徑→模達村→菱角山→蘆鬚城→洪聖灣→榕樹灣★★★☆☆

港島區：

• 土地灣村→打爛埕頂山→龍脊→歌連臣山→馬塘坳→柴灣★★★☆☆推薦

新界東北區：

• （衛奕信徑８，９段）太和→九龍坑山→屏風山→黃嶺→八仙嶺→大尾篤★★★☆☆推薦
• 烏蛟騰→九担租→三椏村→荔枝窩→鎖羅盆→谷埔→鹿頸★★☆☆☆強烈推薦
• 大尾篤→船灣郊遊徑→鹿頸峒→大峒→吊燈籠→芬箕托→烏蛟騰★★★★★

涉峯團長：

唔知各位朋友有無上過獅子山？

如果有上過去既朋友，又記唔記得係獅子山個ｐａｔｐａｔ位

有寫著『懸崖危險　切勿前進』的木牌呢？

走過既人一定會有印象吧，

事實上，明顯可見後面係有一條路，

而依條路並唔係通往懸崖的，經我推斷後，

是係通向位於沙田坳道旁邊的法藏寺，

好奇心勃勃的我，決定要搵一日探一探，走一走依條路。

五月二十五日，非常晴朗

一個天氣咁好既日子，激發起我挑戰依條路

既衝動，由地圖所見，法藏寺旁是有一條虛線路直上獅子山，

即係會去到剛才危險指示木牌的後面，

放學後，即換上平時遠足既輕便裝備，急救藥物，充足食水，電筒，

唯屋企沒有什麼乾糧，基於我家竹園村距離法藏寺起點

不遠，只是五分鐘左右既路程，都無帶太多雜物，

五分鐘後從家到達寺廟，顯著地見到地圖上果條小徑，

一開始是兩三分鐘既石屎樓梯，慢慢就發現樹上掛

上絲帶的小路，一發現絲帶，毫無疑問就係殺上獅子山既小路，

一沿絲帶穿入叢林，小腿就不斷有木枝刮，失策無用長褲，

雖然二節褲可接返長，就都無理咁多，直剷而上，

係雜草中只能一切聽從絲帶既指引去行，

行了大約十分鐘，由於叢草亂生，而依條路又睇黎好少人去行，

不明顯得黎又密不透風，汗水早就如洪濤般滲出，

衣物鞋都係專業既遠足裝備，但係雜林中穿插實在很不舒服，

有時要屈落身，手腳活動既幅度大，而且要手腳並用，

一開始依段路已經唔簡單，其後就見到一個木牌

哈哈！依個木牌話我知一件事，依條路確實可以通往獅子山，

而且充滿未知既挑戰，這使我越黎越興奮，

隨絲帶上左大約２０分鐘，慢慢已經上到高少少既地勢，

重可以見到大部份既九龍區，

起初我認為係依段路無乜可能遇到人，

但估唔到上到三分一，碰到一個啊叔同一個女人，

個啊叔重話：你都幾夠膽架ｗｏ

我：係呀，我幾大膽架，我成日行山的

阿叔話：依條路幾難行架，不過你身手咁敏捷就無問題

我既勇氣比先前更大了，同佢地傾左兩句後，

就起行，去到三分一之後的路，比之前更加難行，

因為幾乎大部份都唔係單用腳，而係要用埋雙手既幫助，

當然又唔會係爬９０度既懸崖，但並唔係一般人既身手可以應付，

沿途既風景比一般上獅子山既家樂徑壯觀得多呢，

可惜我並無好既相機拍下，但真的好靚，

路徑越走越難行，大約爬左３０分鐘，突然面前出現一個神秘

石牌！！

石牌上好似記載著依家行緊果條路，

係好耐前係開放比人行的，當然我行緊既唔係非法．．

只係唔建議人行依條路，相信係由於難度高，容易生意外既原故，

政府應該係好耐前封閉左的，但當然阻止唔到熱愛行山既人，

再辛苦十五分鐘左右，已經見到果一塊寫著『懸崖危險　切勿前進』的木牌

上到去果一刻，我見到既係陽光透過雲層而散射的曙光，

我遠足以黎，第一次見到咁靚既曙光，

原來我真正的快樂，始終係在於山嶺間，因為快樂得想哭，

一個鍾行一條極難行既路，血汗間終於成功到達獅子山頂，

而且重見到咁靚既曙光，同黃金般的黃昏，

真的很感動，興奮得像個傻佬亂叫一通！！

事實上依條路屬於極之難行，並唔係一般遠足人士可以應付，

需要具豐富既遠足經驗，良好既體能，身手靈敏或有豐富經驗既領隊帶領下

先可以挑戰依條小路。

在此向各位分享。

大家好呀！！！

相信唔少朋友都以為依個涉峯既人

消聲匿跡，涉峯動向完全消失，

的確，自從五月初起，連我團長本人都變得

極少上黎依個基地發表，事實上我們都是學生，

要面對學業上排山倒海既壓力，快要來臨既大考試，

上山下海既心情都為之低沉，當然，涉峯活動隨之停止，

但我相信大考試後，就是涉峯涉水樂無窮既日子，

整個暑假必定涉盡港九新界大嶼山！

涉峯遠足團之活動

涉峯日期:２００７年5月1日(星期二)

集合地點:沙田火車站A出口

集合時間:08:30

涉峯路線:企嶺下 → 榕樹澳 → 石屋山 → 老虎騎石 → 獅地 → 黃石

路程大約所需時間:６ H（包括野外煮食大小休）

當日天氣預報:大致天晴,但有煙霞  22 - 27C

難度:★☆☆☆☆（專為女士而設之路線）

暫時參加者 - 同行者需請聯絡92488468或留言，以作安排。

樂團長，HUGO，鍵，彬爺，

李曼，妙鈴，ｂｏｂｏ，Ｊoey，李浩,

卓聆，黃姍

注意！！

• 自備碗筷以便野餐。
• 愛護大自然之一切。
• 結伴同行,互相照顧支持。
• 自備足夠食水，食物，少量個人藥物。
• 建議穿著適合戶外活動用的舒適衣服和鞋襪，避免牛仔褲，多備衣物方便更換
• 如當日天氣產生特變，如三號風球或暴雨，請留意團長之宣佈。
• 如覺身體不適，請量力而為。
• 涉峯乃專為中學生而設之遠足團體,謝絕中老年前輩。
   
   

涉峰神秘後援工作小隊

高級電腦美術設計首席大師

→麗←

默默以她的神妙之手，創出為涉峰而努力的鬼斧之作。

各位親愛既團友，

為左令大家更清楚（其實睇完都唔知）當日既路線，

本人會每次特製衛星路線圖↓↓

(左起)企嶺下 → 榕樹澳 → 石屋山 → 老虎騎石 → 獅地 → 黃石

誠徵涉峯旗幟Logo圖

涉峯成立已有一段日子，

由自己一個人遠足，到現在

涉峯有固定成員既有定期的活動，

不時也有新的成員加入本團參與活動，

活動有周詳的計劃，有組織的行動，

但亦缺乏一個屬於遠足隊的旗幟Logo，

現在誠意邀請一個肯為涉峯付出精神的義士

能為遠足隊設計出具氣勢，能與涉峯配合，具創意，有『涉峯』兩字

的旗幟圖案，Logo取錄後一定會取用於日後涉峯的旗幟，

謝謝。

　　　　　　　　　　　　　　　　　　　　　　　　　　　　　　　　　團長樂字

　　　　　　　　　　　　　　　　　　　　　　　　　　　　　　　　　　　　　 25-04-07