今日是星期五,明天和後天是星期六、日不用上學。
可以休息一下,由我之前的感冒病發開始到現在,
我的病情反覆無常、時好時壞真是令我無計可施!
　　而且我做了一事情非得已的事......我把我的感冒傳給了表哥的一家。
受害者分別有:舅父、舅娘、表姐。這也不是我故事的,所以他們亦沒有責怪我,
這令他們哭笑不得,希望他們的感冒可以早日痊癒啦!更希望我的感冒可以早日康復!

以後不定期寫日誌,一星期最少一次

唉......我感冒了!
　　星期日喉嚨劇痛,經過一天與病魔的戰鬥,我始終把喉嚨痛克服了,
但隨即而來的卻是頭暈,咳嗽,四肢乏力......
我想我感冒了吧!如果你還不相信,我發誓我真的感冒了!
　　不停地咳嗽,鼻子呼吸系統進行暫期大罷工(限期為病好為止),
雖然喉嚨不痛,但已經變得沙啞。非常難受!
　　上完了上午的課堂已經用了兩包紙巾和喝了三瓶水,中午吃了餐淡而無味的飯(感覺吃什麼也沒有味道),
還喝了一杯可樂,那可樂只有冷冷的感覺。
　　放學回去坪輋,又有了一堆被媽媽數落的藉口,媽媽又問我看醫生好不好,我當然回答不好啦!因為我最怕是打針,
我有打針恐懼症.....現在做什麼都沒有精神,只想睡覺。

天氣轉涼了嗎?要多穿衣服喔!別弄得像我如此下場......

我既表哥http://blog.qooza.hk/monkey10

　又一日係迷茫中度過,今日重陽......放假。
咦......重陽係慶祝咩架~.~?我對節日無咩認識......
星期五返學又遲到啦!已經第二次遲到,如果再遲就......
我不嬲都係無咩時間觀念既懶人......今年睇怕又要拎(經常遲到)呢個缺點。
我懶!但我好自豪=.=+當然呢句說話唔好以比我個fd聽到,我應承要同佢一齊努力升中上中六。
英文係我最大既阻礙物~睇黎真係要惡補下先得!承諾也是債呀!
　　扯遠左,講返今日,今日同表哥去KFC度叫野食拎走,因為表姐係個間KFC度做既關係,
用左二十幾蚊就買左勁多野食,因為個經理係度睇住既關係,表姐已經就住就住咁拎。
　　跟住同表哥搭巴士去上水買書,我買返之前未買既課本,本生物書開學到宜家都仲未買,今天終於買左啦~好開心呀!
我堂堂生物堂無用書~個miss都唔發覺,都唔知因為係個miss近視定係我無存在感呢=v=...咁多堂生物堂都唔發覺我無生物書。
買完書就趕住走啦,我表哥係咁話佢肚痛,叫佢去公廁決解又唔制,硬係要返到屋企先決解(佢返天水圍),
真係服左佢,見佢就死就死既表情~哈哈,佢都有今日啦!我今日可以返坪輋~於是我就係上水同佢分道揚鑣啦!(逢星期五/六返坪崋)
　　返到坪輋間屋,原來亞爸,亞媽又唔係屋企~
突然發覺原來屋企無人係度間屋係咁涷架!空無一人~
為左令間屋熱鬧D,我返到屋企做既第一件事就是開電腦......
開盡了電腦歌曲的音量,寂寞係一個人既狂歡XD
之後去沖一個涷水涼-3-返到房仲飲可樂同開冷氣......跟住唔著衫~訓係床度蓋上大棉被~聽歌~都唔知想熱定想涷......
件事好似好矛盾,其實矛盾既係人既思想~與件事無關!
其實大家都有矛盾既時候,例如:返學果陣想放假,放假果陣想返學......唔知大家想返學定想放假......
                              (因為學習關係,以後不定時寫日誌...一個星期最少一篇,請大家多多支持!)

　　今日係生日之後既第一日啦．．於是我決定今日返多日坪輋......朝早6點半先起身,但坪輋比起天水圍近咁多,遲d起身都無所謂啦!只不過無時間整埋個3+4頭ja嗎=3=刷完牙就出門囉......一出到路口小巴站就有小巴黎啦!平時要等好耐架!!!今日真係luck day^^!!!!!
　　
　　跟住又要上堂啦~今日有P.E.堂......可惜無P.E.衫~我既P.E.衫放左係天水圍~唉~無得打波!跟住返到學校,
D~FD問我做咩琴日唔話佢地知,佢地可以借比我(其實我都唔想著佢地D衫~.~)。
唯有等到P.E.堂比亞SIR罰站啦(我間學校,P.E.堂唔著P.E.衫要罰站)點知到左P.E.堂先知教P.E.個亞SIR要出去,無得上P.E.。哈哈,天助我也。跟住先醒起我放學要補測生物,我趁有兩堂代堂(P.E.堂)搵d測左既同學刺探軍情(問佢地生物測驗既答案)之後狂背D答案!我好奸呀~哈哈
　　
　　放學啦,教我生物個miss即刻黎搵我喎......驚我走左去咩!我背熟晒d答案~打死我都唔走啦=w=!
跟住測測測測......我將d答案好似填公仔咁填晒上去,然之後個miss即刻改,好順利成章咁......40分滿分,我扲左40分^^
個miss問:「你唔係得中文勁咋咩?生物都ok喎!」我緊係up晒頭~係咁答:「係呀......係呀......」
我心諗:「我背書咁叻,背左成兩堂d生物答案,唔通會唔記得咩?!」(sor=,=有少少自大!其實都有少少負6)

　　跟住敷衍完個miss就同d死黨去和興(係粉嶺既一個球類運動場)打波,反正返到天水圍都無得打波,著校服都去玩下啦!跟住同d唔識既人玩3on3~玩左幾場有贏有輸啦!玩到6點幾就同d死黨各自回家啦!因為我地都好乖~唔慣夜返!添日就要返天水圍繼續溫習啦!加油~加油~fighting>.<!!!!!!!

我個表哥http://blog.qooza.hk/monkey10

　　今日係10月16~係我一年一度既大日子呀!
　　唔知係唔係生日既緣故我特別早醒啦！凌晨12點半就起左身。跟住就玩下電腦,覆下CM啦~你要知道我係天水圍好少有得玩電腦,表哥佢地唔比我玩,要返到坪輋先有得玩,咁我咪啦啦臨覆人CM囉!點知唔小心刪左人地既一個留言......(如果你有睇呢章文章,我係度同你鄭重道歉~Sorry!!!*100萬次)我實在太粗心太意了~.~跟住表哥又崔我訓覺,咁我唯有訓左先算啦!
　　跟住一訓~朝早5點幾就起左身刷牙,洗面~返學。好在我係善忘既人,已經唔記得琴日件事......好開心咁去粉嶺返學啦!返到學校,都總算有幾個fd記得我生日,係咁祝我生日快樂,我表面就扮晒生日無咩大不了,其實心裡面好高興^^!
　　之後千篇一律係咁上堂落堂,跟住小息先醒起今日中文派卷喎!咁我咪係派卷之前搵中文miss,硬係要拎我份中文卷黎睇囉,唔睇又至可,一睇原來先40分滿分拎得24分~實在太低分啦!個時我心諗:但都總算合格啦!
　　最後終於中文堂要派卷啦!miss就話今次測驗唔知係太難定咩因素,我地班(理科班)先得幾個同學合格,跟住就開始派卷!miss話:「今次測驗最高分係24分!」我聽完心諗:咪即係我?!「xx龍同學」miss跟住話,我好開心咁出去拎卷啦!d同學都拍晒手掌,跟住亞v大叫「xx龍今日生日呀!」跟住同學拍得仲大聲miss仲話:「咁就當係你既生日禮物啦!」,我就答:「好呀!隨便影埋相奏國歌做紀念呀~唔該!」......其實今次測驗真係幾難,連上年平均分拎89.9幾既全級第一都係拎22.5分,理科班(我個班)得5個人合格,商科班得2個人合格(最高拎21.5分),文科班居然無人合格......即係呢次測驗我全級最高分。其實呢份卷大部份我都識,特別係篇文言文,我仲以為已經拎晒分~懶得寫埋d答案姐嗎!唔係一定過30分!
　　跟住今日放學就返左坪輋啦！
　　今日生日都過得幾好呀！希望365之後既呢日都可以過得咁好啦!