我都已經好耐冇打過日記lu!!成日都冇時間...星期六仲同個經理吵大獲.結果決定辭職唔做.超型!!不過都好煩,又話要俾辭職信...
今日上堂o個陣不斷想sleeping,結果o係中文堂o個陣終於雲遊太虛.直至聽到Miss鬧人我先至醒.慶幸我仲聽到Miss有講野,否則一定俾Miss叫我起身罰企...
今日我o係上堂o個陣睇左一本書,本書係講一個女仔,佢同佢老公一齊,但係就成日搵佢個舊情人,有一次更加離譜到同佢個舊情人去左旅行,仲將佢地所做過ge野o係佢ge專欄度刊登哂,但當佢無助ge時候,佢搵佢老公,佢老公卻一次又一次咁原諒佢.終於,女主角懷孕了.佢知道孩子ge爸爸只可以有一個,所以佢決定同佢ge舊情人分手.但佢ge老公卻已經不能忍受,所以就o係佢地ge結婚周年紀念日o個日同佢講離婚.後來女主角終於記得,原來o個日係個咁特別ge日子,佢居然唔記得左.所以佢決定去旅行,直到佢認為自己已經有資格做佢老婆ge時候,佢就會返o黎...
我唔知點解睇完之後,就覺得個女仔好幸福,因為有個對佢咁好ge人o係度等佢.雖然我知道自己唔會有.但係唔知點解,我總係覺得個女仔有D地方好似我...而且佢老公ge癡情,亦都令我覺得好感動.
|
