琴日係我生日,估唔到一年一度ge生日咁快就過左喇!!真係過得好快.阿La,Phy同埋Moni送左份生日禮物俾我,好感動!o係學校連平時成日同我鬧交ge KK都同我講生日快樂.超開心ar~哈哈!!大大o係九點幾o個陣都send左個訊息俾我同我講生日快樂.我本來以為佢唔會同我講喇!!點知佢仲記得,都幾surprised.

今日英文堂Miss Wong o黎左睇我地上堂,不過我地都仲係同平時一樣,分組之後不斷傾計.不過我地ge表現依然好好.

體育堂o個陣要九分鐘跑,跑到我死死下.跑完之後超暈,又想嘔...

聯課活動o個陣整曲奇餅,都幾好食...

放學就去左阿丁屋企玩,玩到5點幾就返屋企,之後就落左街幫我阿爸買野食.

刊登時間︰2006-11-17 08:29 PM  [ 訪客留言(0) ] [ 編輯日誌 ] [ 分享至FACEBOOK ]

琴晚出去玩,真係好開心ar~阿Phy同埋阿LA買左個蛋糕俾我同成成.超感動呀!!之後就去左桌球室,原來LWY打得都幾好架.我地幾個都冇玩過,所以打得唔係好好.之後我地就食蛋糕,佢地將D cream整到成成塊面超多cream.之後TKW o黎到o個陣超慘,俾phy,成成同埋YHM搞到個頭同塊面都係cream.結果俾個清潔阿嬸仇視我地.之後本來話去睇戲,點知o個個時間冇場,所以就去番香港仔食野,之後就去左食糖水...

不過真係好開心呀!

今日就冇咩特別,一早起伸就洗衫,之後就上左陣網...

刊登時間︰2006-11-11 10:21 AM  [ 訪客留言(0) ] [ 編輯日誌 ] [ 分享至FACEBOOK ]

今日係一年一度ge陸運會,但係好悶.因為我D fd好多都係工作人員,所以冇人陪我坐,我咪唯有自己聽歌囉!!坐到我patpat好痛...星期一就可以睇到大大跑1500米.唔知佢會跑成點呢!!好緊張ar~

今晚就約左D fd出街玩.但係到而家都仲未搞清楚有邊個會去,邊個唔去.去邊度玩...咩都唔拖唔水.

刊登時間︰2006-11-10 02:49 PM  [ 訪客留言(0) ] [ 編輯日誌 ] [ 分享至FACEBOOK ]