今日派左卷...都唔係全部派哂,淨係派左普通話筆試,樂理同中作~成績頭果2樣好差,普通話筆試得23分,40分滿分呀!!樂理仲慘得18分,唔合格呀!!40滿分!!呢次都唔知會考第幾...中作就好好多,有73分,唔錯啦!!80分滿分~

今日終於整番好部機,可以玩啦!第一時間走去Down番個MSN,冇得傾計真係死得人多,我差唔多有成個星期冇上MSN啦~好卦住D網友,好耐冇同佢地傾計啦!!

到左夜晚,我地一家三口就去吉之島食壽司,其實咁都係為左同媽咪慶祝生日,如果唔係都唔可以係番學嘅夜晚去食壽司呀~我同爹哋一人一半夾錢請媽咪食,一人$150,係我一個半月嘅零用錢,好心痛...不過都唔係日日咁樣食,間唔中一次唔緊要啦!

真係好鬼飽呀~好滿足呀!!不過今日派果3份卷,得一份高分...其他果2份咁鬼低分,呢次都唔知會考第幾啦!!唉~呈分試咁低分,死得啦!!

 希望聽日派果D卷成績會好D啦,我諗聽日一定會派哂D卷~好期待呀,一定要高分D呀!唔好咁低分!!