本來我都大概估到你地會咁對我地架喇...不過真係不吐不快...自薦OT，你又呱呱嘈，話唔OT你又嘈嘈閉~想點@.@"?   

"雖然佢有時的確係懶散D，不過肯做既時候，佢都好做得野丫"

你依句野好有問題呀下...1 佢咁都算"有時"...?

                                      2 佢咁都算"有D"...?

                                      3 最最最重要既係: "不過肯做既時候，佢都好做得野丫"你講緊咩呀.....個個肯做既時候，都做到野架啦!個問題係，佢有幾可肯做呀....阿"老友"....哦，你咁講都得既話，你不如話 :"雖然欣宜係樣衰，不過佢未出世既時候，都好靚女丫" ..................................................笨!!!!!

請個四十幾、五十歲。冇鏟牌、冇收貨經驗、唔識英文既大叔返黎做散工，都$250一日~我唔覺得個大叔有任何問題，雖然佢又係上面D"大粒佬"介紹入黎，但係大家都係搵食o者，我對佢全無敵意~但個問題係 : 咁我呢?!?!?!考埋個鏟牌，幫你鏟埋、做生做死、都係得果$6000底，除番開一個月返26日工，都係得果$230咋，好喇~我依家走喇~你仲要"阿之阿左摩洛哥"話我地冇義氣，唔幫你捱埋個旺季?!你自己都識講捱啦!你唔叫你老細個阿媽黎捱下?!OK~我服，我服，我心悅誠服~我唔計，亦唔想去計，我都走咯~淨係想安安樂樂、開開心心做埋依個月o者~乜都冇所謂啦~唉~~~~~~

但係你仲要走過黎大下我?!話我地出到去其他倉，人工高少少(高千幾二千蚊都叫少少....=.=)做足十幾個鐘(你依度何嘗唔係...=.=")、D人仲要好衰格?!(你地又何嘗唔係品格高尚之人...=.=")你真係算吧啦~當放過我囉~.~好冇~?

嘩~~~講完~~舒服晒~~多謝~