忍唔住...要講下依兩場波，

講下巴西vs法國先，首先唔理假波既因素，巴西依場踢得好差好差，唔係技術上既問題，係心態上既問題....懶懶行!走動少!上半場已經係咁，俾法國搶贏晒，唯一好少少既，只有肥哨，會出黎現下位、駁下腳，甚至回防!!!

好啦~到下半場喇，經過上半場，係人都知巴西俾法國既針對性防守睇死架啦!!個個都仲係咁踢...到失左一球，都冇咩大改善，係到臨尾十分鐘先開始著緊下...咁就死啦！人地就踢起晒，你就踢到死晒...邊有得救......結果0:1輸左出局...

再講頭場，英格蘭vs葡萄牙....大力臣繼續用R8踢單箭頭就已經注定冇運行!!!16強已經踢到一清二楚架啦!!朗尼根本就唔係依辮波既材料，唔覺得高字勁!!不過冇人掩護朗尼就一定冇可能!!!大力臣亦繼續重用交唔到功課既林伯...真係好唔鍾意大力臣....咁鍾意大牌...不如召艾頓莊踢啦!!!兩年以黎都搞唔掂林伯、謝四既分工問題!!!真係好失敗!不過唔敢是但一放棄個，就更加失敗!!!!!!!

R8個紅牌到依家為止都未清楚係因為咩事...只希望R8如98既B7一樣...跌鋪勁既!!!經一事、長一智!!!o係曼聯發光發亮!!!!

唉.....八強裡面最like/欣賞既3隊都出左局....四強開始...唯有捧較為喜歡、又最不被看好既葡萄牙啦....

R7.....唔好走呀....你走既話....我依世都會憎你!!!!!!!!