一早十點幾就吵醒左，ok~Fine~就唔訓囉!咩呀?!
冇耐就叫齊腳上黎開枱~打打下，我覺得氣氛太悶喇~所以決定出"絕招"!
"絕招"一出，成枱氣氛唔同晒~"係咁椅"就打到六點，趕頭趕命出門口上志叔車!!!行左1min唔夠，我發覺唔妥!!!
我發覺大家都冇拎飛.......shit=.="氣來氣喘又上番車，唔駛半粒鐘就出到去，點搞=.=?!仲有成粒鐘先開場....
好彩出面係唔同D，起碼多好野睇過元朗，同志叔阿華吹左陣就入場啦....嘩....又會可以近成咁...真係Eason"鼻哥lone"入面都睇埋....厲害!!!厲害!!!
8:30開波，條友一黎就"浮誇".....服!!!!之後連唱成十首歌都冇講過一句野.....串!!!!最鐘意台上個兩隻"南瓜人"，有把斧頭o係個頭(南瓜)度，好扺死~連唱成十首，老實講，有D連我都唔太識既歌之後，就到兩首好正、好聽、好"陳奕迅"既歌----
"單車"、"Shall we talk"，之後有part係有部爛車o係台上面，有兩條旦散抬左個假Eason出黎...Eason唱既係---"送院途中"!!!!!正!!好喇!!!班漢堡佬出場拉小提琴喇!!!拉得好好聽，真係好好聽，不過你地可唔可以訓o係度拉、又或者跑住黎拉呢!!!你地拉得確係好聽、冇得頂!不過阻住左我睇呀=.="...."傷信"、"黑夜不再來"、"1874"，三首舊歌、慢歌之後....之後....之後....就黎料喇!
先黎一首"美麗有罪"，令全場醒晒
再黎一首太空漫遊 ，令全場"up身up勢"!
之後既"打得火熱"，令頭十幾行既觀眾都起晒身狂拍、狂跳、狂叫!!!
佢終於講野喇!!!! "你地今晚真係好勁，Come On!!!!!" 此話一出，豈敢不嗌!!!!!
未試過睇演唱會睇到咁high!!!!!全場爆晒!!!!
一首"夕陽無限好"，它的"WOO~WOO~WOO~"真係全場都唱....好變態.....全場都好似痴晒線咁"WOO~WOO~WOO~"!!
之後如Eason所說，唱出一個分上、中、下集既故事----"大開眼戒"、"防不勝防"、"十面埋伏"
各位觀眾，之後既....就係我最愛既 ---- 葡萄成熟時 !!!!!!!!!唔太明條友點能夠唱得咁好..咁touch..
唱到11:10P.M，Eason話仲有大把歌唱!叫晒D Dancers坐o係台上，
佢話頭先個Show已經完左，依家係佢既Show!!!唔好話佢知幾多點!!!
又講番佢以前一個演唱會ENCORE果陣，
唱唱下有個觀眾好緊張咁俾張紙佢睇，
張紙上面寫住三個字 -------- "冇火車 " =.="
Encore部份，唔需要講太多，總之超正，比之前果幾場唱多30幾分鐘、唱多左8首歌
"K歌之王" ------ "K歌之王...是你"
" 兄妹 " ------ "對我好、對我好，好到無路可退"
"天下無雙" ------ "若問世界誰無雙，會令昨天、明天，也閃亮 "
" 阿牛 " ------ "我是牛...我是牛...."
咁多人起晒身，一路拍、一路唱，就咁唱到11:50P.M散場。
總之如果冇睇今次Eason演唱會的話，基本上，
以後都唔需要再o係香港睇演唱會=.="
|
