一向都認為自己係一個超超超硬淨既人....不過原來受到外來環境、氣氛帶動...都會變得脆弱...任何人都會...

今日見到一篇文章...好想打上黎...係咁既 :

世界盃期間女朋友注意事項

此項四年一度，為期一個月的活動，可以讓你和男朋友/老公發生許多不可預計的事。所以你首先要知道一些最基本的知識：

1.今年世界盃在德國舉行。

2.比賽時間在晚間至凌晨舉行。

3.今年最有機會奪冠的分別有巴西、荷蘭、意大利，和你男朋友支持的隊伍。

4.英格蘭球星是有碧咸。但如果你告訴你男朋友，你喜歡林伯特或謝拉特，你男朋友會較開心，因為他會覺得你是喜歡有實力的人，縱使那人並不靚仔 ─ 就如自己的情況一樣。另類選擇是英格蘭前鋒高
治。你告訴你男朋友你喜歡高治是因為他「得個高字」，你男朋友會笑得很愉快~

5.請不要在賽事中途說「都唔知點解，十幾個人追住個波走黎走去」，你男朋友一聽絕對會發火，小心。

6.往後一個月，你男朋友只會記得今晚及明晚賽事的時間和對賽隊伍。請不要在此其間考他記性，例如，問男朋友記不記得六月份的某一天是什麼日子。就算那天是你們的拍拖紀念日，也請不要問，因為如果他答你「十點鐘，巴西對荷蘭！」多麼傷感情！

7.雖然是委屈了你，但四年一度，請你原諒。你最想見到男朋友的時間，通常就是開波的時間。你男朋友會盡力安排時間的。四年一度，你將就一下他吧。

8.續上題，你最想和男朋友通電話的時間，通常亦就是開波的時間。

9.如果，你男朋友興高釆烈和你說一大堆外籍人名、戰術分析和專業術語，再加上事後孔明和馬後炮，四年一度，聽他說說吧。不明白也不用問，因為他也不知道自己在說甚麼。你只要聽完給他一個「你好叻喔」的表情，世界盃後你就會有美妙回饋。

10.你見到男朋友的時候，他都是未睡醒的。不用問候他，世界盃後自然會復原。

11.如果你男朋友支持的球隊出局，也不用太擔心他。每隔四年他支持的球隊都會出局，他習慣了的。

二零零六年五月四日--星期四，早上十點二十三分，外婆與世長辭.....

之前一日中午唔知點解醫院要阿婆出院，三點返到老人院....晚上八點又入醫院...九點幾去到，

外婆剛治療完畢，推上病房....見到外婆好累、好累的樣子...瘦了何只一個碼...叫她...也許太累...呼吸太難了吧...

不太曉得回應...連動也不太動...雙腳冷冰冰的...叫喚她...她便看一看我....整晚夜...她只回應過我們一句 : 咩野呀....

接近十一點回家....整夜也不能進睡...到接近六點才睡著..

今早，媽大約八點幾、九點落屯門同姨媽飲茶....十點十五分，還未睡醒....醫院打來...告知我外婆情況不樂觀...速到醫院 ....那時候...腦袋一片空白...兩、三秒後.

我意識到不能再這樣..必須冷靜一點、清醒一點...連仆帶滾的我....

馬上跳下床...一邊換衫....一邊致電姨媽...叫她與媽速到醫院...走進沖涼房...開了一花灑凍水....邊洗頭，邊洗面...牙也不擦...很快便出門口...趕往醫院...途中致電了表姐...

將情況告知...著她聯絡其他親友到醫院....十點四十六分...當我趕及醫院...媽與姨媽已到達十多、二十分鐘....

外婆已走了 ...時間為十點二十三分....摸了摸外婆的臉...額頭還是有熱的...證明走了不太久...外婆緊緊的閉上了眼睛..很安詳的樣子...

強忍著眼淚...最後一次叫她.... : 阿婆...

之後表姐等人陸續趕到見外婆最後一面....婆婆...安息吧...不用掛心

婆婆...你還記得嗎?我小時候，你還帶著我落田.....

婆婆...你還記得嗎?我小時候，你即使是多窮困....也總會給我十元八塊去買"叮叮糖"和可樂....

婆婆...你還記得嗎?我小時候，經常要你來與我及媽媽飲茶....

婆婆...你還記得嗎?我小時候，經常要你來我家作客....

婆婆...你還記得嗎?我小時候，經常要你說古老的故事....讓我安睡...而你...總是不會拒絕的....

婆婆...你還記得嗎?你住在老人院的時候...每次我拿著飲品去探望你...你總會"kaka"的笑起來....

婆婆...你還記得嗎?你住在老人院的時候...每次我去探望你....無論如何...妳也是易於滿足的....

婆婆...你還記得嗎?你住在老人院的時候...陪我來的好朋友嗎...到今天，他還是很支持我呢....

婆婆...你還記得嗎?你住在老人院的時候...我帶來探你的女朋友嗎...當時的我...真的很想告知妳...我找到了她....

婆婆...你還記得嗎?你離去的前一晚...說不出話的樣子...眼光光的看著我....

婆婆......你知道嗎?今天我趕到時...是多麼的想哭...強忍著淚水...叫你最後一次 : 阿婆.......是多麼的難受.......

婆婆......你知道嗎?.....我真的很懷念妳給我的一切....一切....

婆婆......你知道嗎?.....你知道嗎.....?一切一切我兩的記憶.....你知道嗎...真的很珍貴...無人能及...亦無人明暸的...

婆婆...安心的去吧....

其實冇咪冇囉......冇所謂架~

唔好因為想拍而拍啦...咁樣兩個人都會好辛苦架~既然大家既feeling、想要既，都唔同左，就由得佢成為過去啦....

何必勉強呢~我唔係化左...不過冇以前咁"死咬"喇~大家都要成長架嘛，與其放時間落一樣改變到既野度，倒不如放落第二度啦，

都係果句啦，開心就記實，記到實一實......唔開心既，就"記住"算喇，唔係既話，盞自己辛苦，冇人會可憐你架....開心D啦^^

P.S :  Eason演唱會出左CD啦~真係正!!!

P.S2 : 你咪玩啦...."如果我係李嘉成個仔"....=.=如果你係李嘉成個仔的話，你就唔會依家o係度講:如果我係李嘉成個仔啦....傻仔！

P.S3 : 我們的舊阿頭，清醒少少吧！看清楚、想清楚，問題在那裡...識了你這麼久....有那個沒被你批評過呢？有那個，在你心中，是沒問題的呢(除左你條o靚！！！)....你！你只會覺得自己，係"完美"的.....清醒少少啦！"兄弟！！！"

今日(正確黎講係尋日)，去左灣仔見份工，見工既內容唔講喇，大家都心照...問黎問去都係果D....

反而唔知係唔係太耐冇o係日頭出去香港果面....好似同以前好唔同咁...見完工叫左以前做寫字樓D同事出黎去食野，分別有阿Lam、佢gf"kaka"、Jason，同Bonnie妹......

o拿!!!就咁既，我同我D fds食食下、吹吹下，就聽到後我地兩臺左右啦(唔好問點解用"聽到"，因為這是我的日記哦，不喜歡的，按"X"吧~~~~~~~~~笨!!!!!!!)，對情侶就坐低左...我都feel到佢地之間談話既氣氛唔太正路架喇...

阿Bonnie妹望望下，發覺原來個男仔佢識既(事後知道原來係Bonnie既ex-bf，而我同Bonnie就....好朋友啦，事實上我一直都當佢係好朋友，未嘗有一點非朋友般既想法...而佢就....算了吧，由得她吧)，就打算行埋去打招呼啦~我都叫住佢唔好架喇!!!

o拿o拿o拿!!!正所謂不聽老人言，吃虧在眼前喇!!!

Bonnie : Wai , 阿Ray，好耐冇見喎~

果個阿Ray面有難色咁話 : 係呀...咁o岩既...=.=:

阿Bonnie小妹妹仲唔識死... : 係呀，你gf呀?   

果位阿Ray聲都唔敢聲 : ........

佢位gf就突然發難喇!!!  : 係你啦!!!你條8婆!!成日搵我條仔呀下?!你博咩呀?!臭X!!!!

Bonnie同果個阿Ray即場O晒嘴 : .........

果位.....現稱佢臭八婆吧!!!，臭八婆手起就杯落，一杯好地地既水就咁"林"左落Bonnie頭喇~

Bonnie小妹妹就即時喊左出黎...咁一向好管閒事既我...就當然跳出黎啦...

Lui : 臭八婆，你睇下你個樣?!睇番Bonnie個樣~再睇下你條仔個樣?! 又再睇下我個樣?!你冇野下？又定係你冇腦呀?!

臭八婆 : 咩呀..你老X臭X，你睇實D你條女啦!!!周圍搞人地條仔!!!冇X貴格

Lui : okok~我唔同你嘈，你太有貴格...

就咁拉番Bonnie埋我地臺啦~咁我地安慰左佢一番，正打算走人既時候，就聽到....

Ray : 你條臭X，你估你真係好好X呀?!你返屋企食賓周啦....

Ray一巴煎過去條臭八婆面上...."0拍"清脆兼令人心寒...(咳咳...個人以言，那是"心涼"，不算是"心寒"..不過力度之猛、速度之快、眼界之準...確令人大開眼界..(

Ray就咁瀟灑咁走左....個臭八婆就行左過黎喊住咁同Bonnie Say sorry.....

事後經Bonnie講解後，就知件事既來龍去脈啦，根住就同Jason送Bonnie返家，Jason半路就搭車走，Bonnie就同我一齊行....

行行下佢就問我點解要出黎幫佢解圍...我就發揮我一向懶好笑既性格  " 我踢後衛踢得多，所以鍾意解圍  "

Bonnie冇講過任所野，一路行(基本上係一路悶...真係有諗過話唔好意思，我走先....)

之後~?我唔知喇~好無聊~?係呀，我都覺得真係好無聊架!!!但係你有冇遇過丫...?

我以前以為拍戲先會發生既事...依輪都一一o係我面前上演...真係正所謂----"好戲連場"、"可一不可再，萬勿錯過"...真係"好睇過戲"架....

無聊的我，遇上無聊的事，就這樣，過了無聊的一天~~~~完~~~~

成十日冇再寫"日記"...(吥!還好意思說這是"日記"...的確，我不曾覺得這是日記=.=")

今日好冇mood，好唔開心....算了吧，其實冇咩大不了~~

依排又聽番Eason既舊歌..(Lui，你有何時不是在聽Eason的舊歌哦~?).......

又聽番一首令我好深刻既歌----"失戀太少"......仍是那一句 :

"擦光所有火柴難令氣氛像從前閃耀，至少感激當日陪著我開甜蜜的玩笑"

很深刻...真的很深刻呢......

冇野喇~太耐冇寫，所以寫下野而已...