琴日考第一科中文...6點8先正式起身溫

結果可能份卷唔多難...我都識...溫左一個鐘ge成果

今朝仲衰,6點10先起身溫歷史...由於時間關係

我用左15分鐘溫同步....真係立下眼算..之後全速記問答

測戈時真係有小小驚...因為選擇同材解都唔多識...全靠吹水同"豬"運

問答又記得d唔記得...又吹水=.=

測完之後我先發現原來同步出得好少...我d同學話溫簡直有d曬時間

我戈刻有d想偷笑... 好彩溫得15分鐘

我仲收到風有個fd出貓比人捉左....

唉,高三先黎搞d咁ge野...好心佢出都出得小心d na

好彩拉埋有得補考姐...

下午上網睇到高校補送名單,睇見咁多同學仔補送左

我戈時捻,如果我都有申請補送高校,可能我今日會好開心

唉...我都決定左留係澳門...仲捻咁多做乜呢!? 澳大,理工,科大..實有我ge容身之所

岩岩同KAM強+冰冰, Lily+佢男人, 庭仔去睇"狂野時速4"  超好睇 不過我覺得場戲岩男仔多d

我同庭仔坐...格離有個鬼佬同佢條女係度"打車輪" 我真係o曬嘴

 聽日努力溫習na...唔好再咁頹廢...

今個星期六日去左考理工...我都冇乜點去準備

應該話想準備都唔知準備d咩....

第一科5:00pm考中文,考完出黎,個個都同我講好簡單

但問題係,我係有好多好多唔肯定,我唔明點解個個都咁有信心lo

我同佢地對答案..佢地又錯,係咪真係識曬!? 你地先知

第二科星期日10:45am考數學,本來e科超有信心,因為上年理工份題型戈7,8我都識曬

點知現實中...20題我有10題係識,3,4題唔肯定,5,6題唔識

雖然係我個班黎講...我係識得最多ge一個

但我聽到其他學校有d人話:"超簡單,得2題唔識!!"

戈刻我真係冇曬自信....睇黎都凶多吉少

之後同成班人去打邊爐,死kam強落左d"雞腸"落去...搞到超臭

我地輪流bed 臭佢...下次同人打邊爐,千奇唔好落d咩"魚頭,雞腸"之類

之後4:00pm考最後一科英文...我考完都覺得唔係好難

應該最少都岩一半ge...不過打比kam庭...佢話靜係唔識4,5題...

@*!&^%$#

都係好多謝理工比左e個機會我測試自己

黎緊戈一個月...一定要好好準備澳大!! 

今日我ge好兄弟庭仔生日...但佢朝早身體抱恙冇番學

好彩冇咩事,下晝番番學校考電腦筆試

我上星期六冇同佢慶祝生日...捻住考完試請番佢睇"速度與激情"補數

係考電腦之前...班上ge同學都係度咪書

呀sir明明話測基本題...我都叫佢地唔好溫嫁na...又唔聽我講

點知最後出:自己個名倉頡碼係咩...用資訊科技談談陳冠希事件...Microsoft Office 最常用戈六種軟件

個倉頡碼夠擔死半班都唔識...好心你地打下倉頡na...

特別係傻仔姜維,又話出去參加打字比賽,原來你靜係識打速成....自己個名倉頡都唔識打

戈份卷可以講係冇得溫 原全睇你對電腦熟唔熟

放學同姜維去噴m食野...用戈張優惠咭...我食左蘋果批x2加一個新地...姜維食左蘋果批x2加一杯大雪梨茶

兩個人先用左20蚊...超低...之後再去買多答紙...是關我之前戈99朵花摺曬...我要開始摺新GE

去圖.........

<<<e張優惠咭...係m記有售($10)

今日ge下午茶($10)>>>

Flash - 我們的紀念冊:

Flash - 洪卓立事件:

我樽花滿na...(99朵)

星期六日奮鬥左兩個晝夜 終於做好曬D FLASH NA

兩日加埋48個鐘 除左星期六番學戈幾個鐘 兩日瞓教戈10個鐘

其他時間都用曬係"Flash"身上..........

雖然幾攰 不過自己本身又鐘意整...整完戈份滿足感係唔可以用其他野黎代替

今朝番到去,我第1次係1樣功課都交唔到...Bonnie唔知去左產檢定唔舒服,今日冇番

所以我就用左早讀戈15分鐘做左數學同週記...真係超勁

體育堂考排球 點知有少少失盡 30秒得38下...連淫龍都不如

今日我又生產左好多朵花...我捻今晚應該可以入滿個樽NA(99朵)

得閒補番D 相比你地睇下

人地話高3最忙...亦可以話最得閒

我非常同意...e加我日日番去摺花同頹廢,成績方面食緊老本

正當太過得閒,高2的伙兒找我整Flash...好的,一口答應!!

第一個...主題:教業校園

第二個...主題:愚公移山

e幾日有左野做...但時間又好似唔係好夠(23號交)

所以黎緊幾晚都有排做...

我真係冇野搵野黎做!?冇辦法,我太過熱心la

不過,好人通常都唔會有好報...

另外,送首新歌比大家聽"郭采潔 - 笨的可以" (新歌唔多流暢,請原諒)