頭個堂 Math 照舊 Hea......
第二堂上Chem，係度寫楊利偉本紀念冊，一個字寫到三行咁大，扮多野 XD 仲畫左 d Kai 野上去~~~
中文堂要整理好多野，煩死！
再黎 Math ，Hea 多次......
英文堂對野，冇咩特別，係悶左少少~~~
Physic 堂，睇動畫教學，郭 sir 親自配音，好正！笑死我，郭 sir 真係好有童真 XP
「銀包離奇失蹤事件」？
話說 Lunch 成班人照舊去俊達食飯，坐低冇幾耐，就落完單。我潛意識摸左摸個褲袋，我個銀包呢？由個剎那開始，我個世界變左灰色。我打電話叫人幫手，冇人聽......呀布打通左大丸電話，我叫大丸上我班房睇睇，冇回音......番到學校，就到班房個陣，咁敢再行，好怕個銀包唔係班房，結果估中左......唉~希望個銀包係屋企啦......
呀布食完飯番學校個陣係度玩靜電，猛電呀賴~~~
「銀包離奇失蹤事件」？
話說要上 PE 堂，我準備落去換衫，點知伸手去摸檯邊個勾，摸黎摸去都摸唔到我個 Super X 袋。
我對住王雞講：「我個袋唔知去左邊呀！」佢指一指檯面講：「係檯面呀。Kai 佬！」 =.=" 勁無奈......
頭一堂 PE 堂上理論，發左成堂白日夢。之後個堂考體適能。做 Sit up 個陣，條鏈成日飛左上面個度，於是想捉住佢，等佢唔好阻住晒，點知大力過頭扯斷埋。第二次斷啦，記得第一次係被梁靈靄扯斷，可惡......
放學 Re-quiz，絕招......
之後同王雞、燊，仲有勝存去置樂買布，然後去市中心買筆~~~
番到屋企，發覺原來係由於今朝遲左出門口，太趕，所以唔記得帶銀包 XD
|
