今日本來諗住係屋企睇下碟就算，但係意外地子揚打俾我問我出唔出廣華街，最後都出左反正係屋企都冇野做...出到去同子揚行街其間，突然唔見左佢...根住就feel到有人I 埋落我心口到...一望原來係佢個衰仔，我問佢"你搞咩呀"...佢就好似琪琪係度笑，唉，兩個都一樣，都唔知笑乜...到走個陣又 I 埋黎，今次佢仲要加多句話"唔緊要啦，佢又唔係度"，又問我"同我出街，會唔會俾佢串架"...聽完子揚禁講之後，我話"你 I 埋黎，琪琪係對面喎"...聽完之後佢就縮開，佢呀哥就問我地做咩呀...由此證明佢呀哥都唔係好熟識我地，我地成日都禁玩架啦...傾傾下就話補習個個Amanda同Kelvin Ko合作...子揚問我Amanda好唔好...我都唔知...我淨係話俾佢聽善媛補Amanda，好似話麻麻地...佢又問我靚唔靚...我好認真禁答佢話"係呀，我覺得善媛真係幾靚架"...佢個樣一臉無奈...

今日下午食完野因為得閒所以睇左陣KTV，睇睇下就downdown地禁...突然之間好想去面對，並且問左人地一D野...佢問我做咩突然之間禁諗架...其實我都唔明自己會有D禁既諗法...我發覺有時真係唔太認識自己...

今日食完野出左信和行，有好多精品店...其間經過一間VCD鋪...見到隻碟好想買，但係我冇買到...因為我仲記得有人同我講過唔可以亂駛錢...行完信和就行廣華街，行左成個鐘...其實自己行街有好有唔好既，好既就係可以睇自己鐘意睇既野，唔好既就係冇人同你講野，都幾悶...

今日考Oral，朝早就睇下miss so之前叫我地買個本Oral Book...四點幾就去到間學校，間學校好靚，有海景...Role Play就麻麻地啦...做discussion個陣，個女仔又唔講野喎...好難涯先去到六分鐘，自己又講得唔係太好...覺得自己之前翻學校Oral Practice浪費左D時間...考完就搭車出左旺角行左陣，行行下突然間頭痛所以就翻左屋企...翻到去呀爸又串我，話我誼家禁既經濟狀態，支M4先黎懷，真慘...我同佢講，我誼家呀媽飯錢鐘意就俾唔記得就算...實際上每次出街都用自己錢，佢俾錢我出街冇可能...差唔多自己養自己禁...根住呀爸又加多句話，唔駛翻學電話都打多左添...不過唔通禁大個人仲同呀媽講話要錢出街咩...