今日睇左篇新聞，講個女仔本來以為自己好翻cancer，點知因為人為錯誤，接受左太多radiation既治療...好可能會死...睇到之後第一個感覺就係覺得好多野都好似一早安排定禁...上天要我今日死，我就一定唔能夠一直生存直到聽日...想法好似有D消極...不過個女仔真係好慘...

p.s:仍然為自己既一句"妳唔好理"而後悔...我係唔係總會做D令自己後悔既事...

同妳msn完之後，心情雪上加霜，真係唔想見到你禁既樣...照自己意思去做啦，唔好理其他人諗咩...想唔想同佢繼續一齊，最後都係由妳去決定...希望我地真係可以同一日結婚，我亦希望四個人之中，妳係主角之一...正如大家所講既禁，俾D時間佢地...

今日一早就翻學就Oral practice...翻到去九點...直到十一點就走...一出門口，就見到善媛佢地...不過自己就好似好衰禁冇理佢...直到行到去學校門口佢叫我先認佢...行到落去等巴士，都唔係有太多野講...落到tsuen wan就食野之後就過海...過到去，行上堅道...好累，好熱...入到去就搵一個叫Ricky既人，見左大約半個鐘之後我就走喇...不過我都係個度等左佢好耐...走就決定坐船，不過行到去天星碼頭，就見到架雪糕車，不其然禁行過去...愈行愈過就去左皇后碼頭...企左係個度三四個字，由個度望翻個九龍...諗起下午剛剛離開學校時既情景...再坐船過翻九龍...係尖沙咀又坐左半個鐘頭，得黎既只不過係平靜、時間同思考...

p.s:多謝妳關心我...我知道我一定 arc 唔到妳...我冇同妳講咩事，因為妳唔會幫到我...

今日醒左之後就係屋企食野，食完野睇左陣電視...坐坐下就出左去旺角行左陣，之後再去食飯...改左聽日去見工，估唔到要過對海禁遠...不過唔緊要啦，當過去行一轉囉...反正都想坐下船...終於有機會一個人去坐下船...但係如果真係見得成既話，我又開始擔憂...辛苦我就預左架喇，只不過我怕冇時間...冇時間去做我想做既野...

P.S:我估唔到我自己真係娜娜所講既個種人...禁落去，其實又係好定唔好...

今日朝早，所有野都同平時一樣...訓醒整左陣電腦，就行去九龍塘食野...翻到屋企就嘗試update部電腦...剷左個Norton佢，裝個個第二個防毒...裝左二個防毒，一個防火牆...如果都中既話，我都無言以對...到左夜晚終於，可以去microsoft到update...過左今日，部電腦真係唔同左好多...