呢排成日都俾感情事煩住我，搞到個心好困擾~今日唔知點解心情唔係幾好.下午就諗住出去補習啦，點知去到先記得原來今日唔駛補習~因為禁就仲火.返到屋企就諗住瞓一陣，根住巧儀突然add我，但係我竟然好唔好聲氣禁同佢講野.事後覺得自己好"黑人爭"，人地都係諗住同你傾計姐，點知受自己氣。事後我好後悔，又唔明自己今日究竟發生咩事~我知巧儀依家一定好唔鐘意我甚至嬲我，而我亦知道自己做咩都補救唔到~我亦可能因為禁而失去左呢個好朋友.

今日補習連補兩堂，phy同埋中文~phy補到成2點8先落堂.但係中文3點就開始，所以就好快禁由太子行去旺角，好彩都冇遲到.之後夜晚就去左官堂食飯~食飯個陣發覺個侍應姐姐幾靚.走個陣佢同我講byebye~原來佢把聲都幾好聽架~食到差唔多10點半先走，但係唔媽仲要我幫佢拎衫，禁夜仲要幫佢拎野~我暗示話我想聽日先幫佢拎，係姨媽到過夜，根住表姐就打電話俾我呀媽，話我留低，我覺得佢好多事~就禁就同佢地鬧左交喇.

P.S:前日miss chan @我.本來琴日有得同miss chan聽concert架~呀媽又唔俾真係無奈架啦~

今日又要一個人補習喇，個friend學校又要補課，所以就黎唔到~補習個陣時好累，好想瞓覺，但係我好驚個miss好似上次禁，又叫我出去行個圈，睇下女仔先入返黎~自從個次之後，我就唔敢再上堂瞓覺~食完野，行去地鐵站搭車返屋企個陣，唔知點解突然發覺自己每年聖誕節都係一個人過~關唔關自己啲性格事.行去地鐵站途中，個人好似好灰禁~仲有個差人望住我唔知做咩.可能佢見我個樣唔知點禁啦~因為我個陣好down.根住我見到佢都唔係好樣哀，所以就笑左一笑囉~

今日考BIO，最後一日考試~考完之後一啲興奮既感覺都冇，因為好累.返學今日幾乎遲到，因為今日唔想起身，好凍.考完試又要開班會，搞埋啲野好無謂~其實我有時都會覺得聖誕節幾無聊，都唔知啲人做咩禁開心~班會個陣西講埋啲針對既說話，根住呀sir就好火禁話關你X事呀~我地成班就係度笑.之後就去左mong kok 道買隻碟睇~買左隻頭文字第四輯，用左$79.買完之後先記得，大檸啡.自己完來未買聖誕禮物，又要禁銀行拎錢，真係煩~返到屋企食藥，睇完碟之後諗住瞓一陣，點知沖完涼就好精神~所以就整diary.個diary最後都係用痴心絕對做音樂，因為我覺得呢首歌啲歌詞有意思啲~下次就整首舊歌啦~一首十年前既好歌~

返學個陣，街市個頭塞車，搞到踏十先返到學校~今日終於見到善媛，佢同我講話慘，起初我唔知佢話慘咩.完來佢話今日考CHEM，但係返到屋企我問佢做咩，佢講完之後，就話CHEM好易~唉!我地就難啦.返到屋企就瞓覺瞓到三點到，就溫書~本來想今日換個DIARY首歌，但係諗諗下都係聽日先，反正聽日有時間.又要DOWNLOAD個轉FILE SOFTWARE.搞親都要半個鐘，但係聽得多張柏芝都悶啦~依家係度諗用<<痴心絕對>>，定話用<<一路向北>>好~