今日下午落左街飲茶，呀媽叫我呢排考試唔好講禁多電話~又問我琴日打電話俾我嗰個女仔靚唔靚.呀爸又問我佢係邊個，我淨係交學校F.4啲Friend~到左三點幾個陣，善媛打俾我.佢話係剪髮舖見到自閉個呀媽，佢話唔知點算~我淨叫佢最好翻屋企之後就cut左線，因為驚呀媽翻黎見到我係到傾電話~事後覺得自己好哀，個Friend要自己幫個陣，自己又幫唔到人，連講下電話都唔得~又再次覺得自己好冇用同好哀.到衣家仲自責緊.呀爸話佢一聽電話個陣善媛就叫死啦，佢話善媛好搞笑~呀爸話如下次又係禁既話，佢會扮關心禁問善媛做咩.我聽完之後都冇野好講，仲叫佢打俾善媛，佢又唔肯~唉!

P.S:想係度同善媛講聲對唔住，因為我個陣冇幫到你，仲好快禁收左你線~

今日一早就翻學校，好凍呀~落車個陣就見到巧儀，雖然就一齊行翻學校，但係我淨係同謙講野.都冇同佢傾計~又係禁，唔知同佢有咩講.但係又唔係唔想同佢講野架喎~呢排真係唔知自己搞咩~到左小息就拎左蘋果上去俾善媛佢地，善媛好似好開心禁~小息期間，娜娜同呀西鬧交~都係關於christmas party個啲野.佢地講到差唔多miss so黎都唔知~我眼見禁樣，所以就拖娜娜返埋去個位到~我到衣家都唔知自己對或錯~到左放學落左hall底一陣教左一陣chem，就去左補a math，照舊同佢都係唔知講咩~

今日出去補習之前，呀媽話俾我聽今晚會出去飲。去到見到好多人親戚，其實我最唔鐘意禁多人.最憎就係應酬~舅母問我有冇女朋友.個陣我都唔知點答佢好，話有又唔係，話冇又唔係~呀媽又係則邊，真係唔知點答佢.成晚得一個字悶~我只不過係到係禁睇書.差唔多11點幾先走，返到屋企都12點.沖完涼就立即瞓覺，因為實在太累~

今日出左 tsuen wan 補英文，本來諗住出太子食野~但係驚趕唔到，所以就去左吉野家食.出去個陣經過tsuen wan 地鐵站，嗰度有個影婚紗相既攤位，擺左好多婚紗相係到~我諗翻起琴日婷同我講話佢發夢見到我結婚~我問佢我同邊個結婚~佢話我係同我鐘意嗰個女仔喎.我根住同佢講係唔係好多人~佢話見到我係到試結婚嗰啲衫.佢又話自己係個夢到問我做咩禁細個就結婚,佢話我答佢俾父母逼婚~不過又有咩所謂呀!反正都係同自己鐘意嗰個一齊,最緊要係個女仔唔係被逼既~

p.s:佢今日好似又變翻以前禁~對佢開始有翻啲信心~

琴日放學，個女話有野俾我食，完來係佢上完家政堂整左個啲野食黎架~雖然就唔係太好食，但係我就幾開心個女請我食野~不過佢真係要學好啲點整野食~

寫翻今日,LUNCH個陣上左音樂室~因為我知道Miss Chan 今日就走,所以上去諗住同佢say goodbye 囉.雖然我就同佢唔係好熟，但係話曬都識呀.好似有小小唔舍得添~不過都唔駛唔開心既，反正離別都係為再見既.去教員室交功課個陣，見到巧儀係到練朗誦~我冇同佢講野，唔知點解呢排唔想同佢講野，可能冇話題掛.唉~唔知呀!